जोडिनुहोस
  • होमपेज
  • गैंडाको संख्या वृद्धि भएपछि सौराहामा दीप प्रज्वलन

गैंडाको संख्या वृद्धि भएपछि सौराहामा दीप प्रज्वलन

चितवन, चैत २९–

नेपालमा दुर्लभ एक सिंगे गैंडाको संख्या वृद्धि भएको खुशीयालीमा चितवनको पर्यटकीय नगरी सौराहामा दीप प्रज्वलन गरिएको छ ।

चितवन राष्ट्रिय निकुञ्ज दुर्लभ गैंडा लगायत अन्य वन्यजन्तु अवलोकनका लागि विश्वमानै प्रख्यात छ । शनिबार वन्यजन्तु संरक्षण विभागले पत्रकार सम्मेलन गरि नेपालमा १०७ वटा गैंडा वृद्धि भएको जानकारी गराएको थियो । सन् २०१५ मा गरिएको गणनामा ६४६ वटा गैंडा रहेकोमा शनिबारनै सम्पन्न नयाँ गणना अनुसार नेपालमा गैंडाको संख्या वृद्धि भएर ७५२ पुगेछ ।

चितवनमा अघिल्लो गणनामा ६०५ रहेकोमा बढेर ६९४ पुगेको छ । गैंडाको संख्या वृद्धि भएको खुशीयालीमा संरक्षण र पर्यटनसंग आवद्ध संघसंस्थाहरूले सौराहाको गैंडा चोकमा दीप प्रज्वलन गरेर खुशीयाली मनाइएको बाघमारा मध्यवर्ती सामुदायिक वनका अध्यक्ष जितु तामाङले जानकारी दिनुभयो ।

कार्यक्रमका प्रमुख अतिथि रत्ननगर नगरपालिकाका मेयर नारायण वनले गैंडाको संख्या वृद्धिसंगै संरक्षणमा चुनौती थपिएको भन्दै सबैको हातेमालोले संरक्षणलाई जोड दिनु पर्ने बताउनुभयो । दुर्लभ गैंडाकै कारण चितवनको नाम विश्वमा परिचित हुन सफल भएको मेयर वनको भनाई थियो ।

क्षेत्रीय होटल संघ चितवन नेपालका अध्यक्ष दिपक भट्टराईको अध्यक्षतामा भएको कार्यक्रममा रत्ननगर ६ का वडा अध्यक्ष बलराम दाहाल, ७ का वडा अध्यक्ष राजन भट्ट, रेवान सौराहाका अध्यक्ष दिपेन्द्र खतिवडा, बाघमारा मध्यवर्ती सामुदायिक वनका अध्यक्ष जितु तामाङलगायतले मन्तव्य व्यक्त गर्नुभएको थियो । शनिबार सार्वजनिक तथ्यांक अनुसार चितवन राष्ट्रिय निकुञ्जमा ६९४ वटा, बर्दियामा ३८ वटा, शुक्लाफांटामा १७ वटा र पर्सा निकुञ्जमा ३ वटा गैंडा रहेको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका