जोडिनुहोस
  • होमपेज
  • आइपीएलः मुम्बईलाई हराउँदै बैंङलोरको विजयी सुरुवात

आइपीएलः मुम्बईलाई हराउँदै बैंङलोरको विजयी सुरुवात
Photo: IPL

काठमाडौं, चैत २८–

शुक्रबारदेखि सुरु भएको इण्डियन प्रिमियर लिग (आइपीएल)मा भारतीय कप्तान विराट कोहलीले नेृतृत्व गरेको टिम रोयल च्यालेन्जर्स बैंङलोरले विजयी सुरुवात गरेको छ ।

साविक विजेता मुम्बई इण्डियन्सलाई २ विकेटले पराजित गर्दै बैंङलोरले विजयी सुरुवात गरेको हो ।

चेन्नाईमा भएको खेलमा पहिले व्याटिङ गरेको मुम्बइले निर्धारित २० ओभरमा ९ विकेट गुमाउँदै १५९ रन जोडेको थियो । उसका लागि क्रिस लिनले ४९, सूर्य कुमार यादवले ३१, इशान किसनले २८ र कप्तान रोहित शर्माले १९ रनको योगदान दिए । मुम्बईको इनिङलाई धरासयी बनाउन बैंङलोरका हर्षल पटेलले ५ विकेट लिए । उनले ४ ओभरमा मात्र २७ रन खर्चिए । वासिङटन सुन्दर काइल जेमिसनले समान एक÷एक विकेट लिए । मुम्बईका दुई खेलाडी रन आउट भएका थिए ।

१६० रनको लक्ष्य पछ्याउँदै मैदान उत्रिएको बैंङलोरले जितका लागि अन्तिम बलसम्म पर्खन पर्‍यो । अन्तिम बलमा एक रन आवश्यक छदा हर्षल पटेलले रन बटुल्दै टिमलाई जित दिलाए । अन्तिम ओभर निकै रोमाञ्चक बनेको थियो । जितका लागि ६ बलमा ७ रन आवश्यक थियो । क्रिजमा भरपर्दा व्याट्सम्यान एबी डिभिलियर्स र हर्षल पटेल थिए । सबैको आँखा एबीतिर फर्किदा चौथो बलमा उनी रनआउट हुन पुगे । जतिबेला टिमलाई जितका लागि ३ बलमा २ रन आवश्यक थियो । एबी आउट भएपछि दुई बलमा २ रन आवश्यक छदा मोहम्मद सिराजले लेगबाइबाट रन निकाल्न सफल भए । अन्तिम बलमा पटेलले योर्करलाई राम्रोसंग खेल्दै एक रन बटुलेपछि बैंङलोर जित हासिल गर्न सफल भएको हो ।

बैंङलोरलाई जिताउन एबीले ४८, ग्लेन म्याक्सवेलले ३९, कप्तान विराट कोहलीले ३३ रनको योगदान दिए ।

मुम्बईका लागि जसप्रित बुमराह र मार्को जनसेनले समान २/२ र ट्रेन्ट बोल्ट र क्रुनाल पाण्डेयले समान एक/एक विकेट लिए ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका