जोडिनुहोस
alt

विचार/ब्लग

सम्झनामा जेपी भेटवाल

सम्झनामा जेपी भेटवाल

–निर्देश त्रिपाठी

लोकप्रिय नेता जेपी भेटवाल अर्थात जागृत प्रसाद भेटवालको सायद नाम नसुन्ने ब्यक्ति चितवनमा कमै होलान । उनै नेता हामीबाट बिदा हुनुभएको पनि ३ बर्ष पुरा भइसकेछ । तर उहाँले छाडेर जानुभएका सपना र स्मरणहरु हामीमाझ ताजै छन । भेटवाल सादा जीवन भएका व्यक्ती जो , सबैसंग रमाउने र खेल्ने स्वभावको हुनुहुन्थ्यो ।
उहाँको राजनीति जीवन..

भेटवालको जन्म २००९ सालमा काभ्रेमा जिल्लामा भएको थियो । उहाँ सानो उमेरदेखि नै राजनीतिमा सक्रिय रहनुभयो । विशेषगरी राजा र पन्चायत ब्यबस्थाको विरुद्धमा लाग्नुभयो । भेटवाल काभ्रे बाट तत्कालीन भण्डारा गाविस हाल राप्ती नगरपालिका वडा नं.५ मा बसाई सर्नुभयो । दुखी गरिब,असाहय,पिडाको मलमपट्टि भेटवाल बनिरहनुभयो । भेटवाल २०४२ सालमा पार्टीको राष्ट्रिय पन्चायत सदस्यको रुपमा उठाएको थियो । त्यतिबेला जित्नेमा चितवनबाट भेटवाल , पोखराबाट सोमनाथ प्यासी , इलामबाट नबलकेमि राई , झापाबाट द्रोणप्रसाद आचार्य रहनुभएको थियो । त्यसपछि २०४६ सालको जनआन्दोलनलाई भेटवाल र भिम बहादुर श्रेष्ठले नेतृत्व गर्नुभएको थियो । सिङ्गो चितवनलाई दुवै नेताले आफ्नो कब्जामा लिनुभएको थिया्े । त्यसबेला नेतृत्व गरेको भएर राज्य विरुद्धको मुद्दा लगाइयो र ३२ बर्ष कैद सुनाइयो र पछि सन्तनेता कृष्णप्रसाद भट्टराई प्रधानमन्त्री भैसकेपछी मुद्दा फिर्ता लिइयो । नेकपा एमालेको धरोहरको रुपमा सबैले मान्दै आएका भेटवाल अहिलेपनि जन–जनको मन र मुटुमा बस्न सफल हुनुहुन्छ । स्व.नेता भेटवाल पार्टीको सक्रिय रुपमा काम गरिरहनुभयो ।

नेकपा एमालेको चितवनको क्षेत्रिय इन्चार्ज , नारायणी अञ्चलको अञ्चल सदस्य , नेकपा एमाले केन्द्रिय अनुशासन आयोगको सदस्य भएर काम गरेको अनुभव उनमा रहेको थियो । समसदिय समितिमा समेत बसेर उल्लेखनीय काम गरेको अनुभव उहाँमा थियो । राज्य ब्यबस्था समितिको सदस्य र संसदको सार्बजनिक लेखा समितिको सभापतिको रुपमा समेत काम गरेको अनुभव उहाँमा रहेको थियो । २०४८ सालको आम निर्बाचनबाट सांसदमा विजयी प्राप्त गर्नुभयो । उहाँको निबास राप्ती ०५ भण्डारा जङ्गल नजिक भएका कारणले पनि धेरै नेताहरु सेल्टर लिनको लागि उहाँको निबास आउने गथ्र्ये । पन्चायत कालमा उहाँको निबास सेल्टरको रुपमा चर्चित थियो । उहाकी श्रीमती हरिमाया भेटवाल , दुई छोरी सृजना भेटवाल , सम्झना भेट्वाल र एक छोरा प्रकाश भेट्बाल रहेका छन । संविधानसभाको दोस्रो निर्बाचनमा चितवन १ बाट टिकट पाउने लगभग पक्कापक्कि बनेको थियो र पछि पार्टी स्थाइ कमिटी सदस्य सुरेन्द्र पाण्डेलाई टिकट दिइयो र पाण्डेलाई जिताउन उहाँ लौरो र पानीको सहारा लिएर जनताको घर–घरमा पुगेर पाण्डेलाई भोट माग्नुभयो ।

पत्रकारिता र शिक्षा

स्व.नेता भेट्वाल कुनैबेला पत्रकारपनि थिए । २०३४ सालमा “नौलो साहित्य“ पत्रिकाको प्रकाशक र सम्पादक भएर काम गरे । जस पत्रीकामा उनी ५ बर्ष काम गरे । त्यसतै २०३९ सालमा “प्रकाश“ साप्ताहिक पत्रीकामा प्रकाशक र सम्पादक भएर काम गरेको अनुभव उहाँमा रहेको थियो । स्व।भेट्वालले राजनीतिमा एमए सम्मको अध्ययन गर्नुभएको थियो ।

उहाँले गरेका महत्त्वपूर्ण कामहरुः

२०४७ सालमा राप्ती नदिना भीषण बाढी आयपछि पिप्ले , भणडारा , बिरेन्द्र्नगरका बस्तिहरु बाढीको जोखिममा पर्यो त्यसपछि पुन ५० सालको भीषण बाढीले धनजनको ठुलो क्षती पुर्यायो । त्यस आसपासका बस्तीलाई सुरक्षित स्थानतर्फ लैजानको निम्ति भेटवाले गरेका योगदानलाई अहिलेपनि सबैले प्रशंसा गर्ने गरेका छन । त्यसबेला पुर्बी चितवनको पिप्ले, भण्डारा , बिरेन्द्रनगर,कुमरोज,बछौली,खैरहनी, कठार बाढीले प्रभावित गाविस थिए । फेरिपनि २०५९ सालमा लोथर खोला समेत फुटाउने गरि भीषण बाढी आयो । र २०५९ सालमा लोथर राप्ती ड्याक संरक्षण समिति गठन गरियो । त्यसको अध्यक्ष उनै जेपी भेटवाल भए । उनको नेतृत्व र अगुवाईमा ड्याक संरक्षण र निर्माणको काम अघि बढ्यो । त्यस कारणले गर्दा तटिय छेत्रका जनताले अहिलेपनि स्व.भेटवाललाई भगवानको रुपमा चित्रण गर्छन ।

भेटवालले हुर्काएका बढाएका राजनीतिक नेतृत्वहरु आज ठुला ठाउँमा पुगेका छन । कोही मत्री त कोही सांसद भएका छन । कोही राज्यका माथिल्लो पद र ओहदामा पुगेका छन । उहाँले धर्ती छोडदा चितवनका जनताले आँसुका धारा कति बगाए होलान, कतिको अभिभावक गुम्यो होला । उहाँको सम्झना आज पनि ताजै महशुस भइरहेको छ । पहिला भेट्ने बित्तिकै घरमा आमाबुबालाई सन्चै छ भनेर सोध्ने बानी आजै अहिले जस्तो लाग्थ्यो । अब केबल सम्झनामा मात्र रहेने छ । स्व.भेटवालले संघर्ष र योगदान चितवन जिल्लामा गर्नुभएको बिकास गर्न बाँकी काम पूरा गर्न अब भावी नेतृत्व र नेताको काधमा आएको छ । अहिलेका नेताहरु र युबा पुस्ताहरुले उहाँबाट सिक्नुपर्ने गुण र वचन धेरै छन । सायद भेटवाल जिवित रहनुभएको भए अहिलेको यस्तो राजनीतिक परिस्थिति आउने थिएन होला । आज स्व.भेटवालले छोड्नुभएको पनि ३ बर्ष पुगेको छ । यस अबसरमा स्व.जेपी भेट्वाल प्रति हार्दिक श्रद्धाञ्जली अर्पण गर्दछु ।।

एक प्रतिक्रिया on “सम्झनामा जेपी भेटवाल

  1. हार्दिक श्रद्धाञ्जली कमरेड भेटवाल जि !!!!

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका