जोडिनुहोस
  • होमपेज
  • चितवन निकुञ्जमा गैंडा गणनामा खटिएको टोलीमाथि जंगली हात्तीको आक्रमण, गम्भिर घाइतेलाई हेलिकप्टरमार्फट काठमाडौं लगियो

चितवन निकुञ्जमा गैंडा गणनामा खटिएको टोलीमाथि जंगली हात्तीको आक्रमण, गम्भिर घाइतेलाई हेलिकप्टरमार्फट काठमाडौं लगियो
फोटोः फाइल

चितवन, चैत २०–

चितवन राष्ट्रिय निकुञ्जमा गैंडा गणनाका लागि खटिएको टोली माथि जंगली हात्तीले आक्रमण गरेको छ । आक्रमणमा पाँच जना कर्मचारी घाइते भएका छन । निकुञ्जको पश्चिम क्षेत्र अमलटारी सेक्टरमा गैंडा गणनामा खटिएको टोलीमाथि आज (शुक्रबार) दिउँसो ध्रुवे नामको जंगली हात्तीले आक्रमण गरेको निकुञ्जका प्रमुख संरक्षण अधिकृत अणनाथ बरालले जानकारी दिनुभयो ।

हात्तीको आक्रमणबाट राष्ट्रिय प्रकृति संरक्षण कोषका संरक्षण अधिकृत विनोद श्रेष्ठ गम्भीर घाइते हुनुभएको छ । उहाँलाई उपचारका लागि आजै साँझ ५ बजेतिर हेलिकप्टर मार्फत काठमाडौं पठाइएको निकुञ्जका प्रमुख संरक्षण अधिकृत बरालले जानकारी दिनुभयो । उहाँका अनुसार गैंडाको गणनाका लागि शुक्रबार निकुञ्जको टोली पश्चिम सेक्टरको गैंडाखासा भन्ने ठाउँमा पुगेको थियो ।

‘जंगली हात्तीले टोलीलाई लखेट्न थालेछ, भागाभाग हुँदा पाँच जना कर्मचारी घाइते हुनुभएको छ’, बरालले भन्नुभयो । उहाँका अनुसार चार जनालाई सामान्य चोट लागेको छ । चितवन राष्ट्रिय निकुञ्जमा चैत ९ गतेबाट एक सिंगे गैंडाको गणना सुरू गरिएको थियो ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका