जोडिनुहोस
  • होमपेज
  • चितवनमा विजय खड्गी स्मृति गोल्डकप सुरु, नुवाकोट सेमीफाइनलमा प्रवेश

चितवनमा विजय खड्गी स्मृति गोल्डकप सुरु, नुवाकोट सेमीफाइनलमा प्रवेश

चितवन, चैत १२–

चितवनमा आज (बिहीबार)देखि ‘सेन्ट्रल कलेज स्व. विजय खड्गी स्मृति गोल्डकप’ फुटबल प्रतियोगिता सुरु भएको छ । चितवन जिल्ला फुटबल संघको आयोजनामा नारायणगढस्थित क्याम्पाचौरमा प्रतियोगिता सुरु भएको हो ।

प्रतियोगिताको एक समारोहकाबी भरतपुर महानगरपालिकाकी प्रमुख रेनु दाहालले समुद्घाटन गरिन् । सो क्रममा बोल्दै मेयर दाहालले चितवनमा खेलकुदको विकासका लागि एक वडा एक खेल मैदान बनाउने अभियान थालनी भएको बताइन् । उनले क्याम्पाचौरलाई मिनी रंगशालाको रुपमा विकास गर्न सकिने भन्दै यसका लागि बालकुमारी उच्च माविको साथ र सहयोग चाहिएको बताइन् ।

प्रतियोगिताको उद्घाटन खेलमा नुवाकोट युनाइटेड एफसीले विजयी भयो । घरेलु टोली सेन्ट्रल कलेज भरतपुर फुटबल क्लब (बीएससी)लाई ३–० गोल अन्तरले पराजित गर्दै नुवाकोटले विजयी सुरुवात गरेको हो । नुवाकोटलाई जिताउन सजिन सजिन थापा मगरले २ तथा सिसिवस थापाले एक गोल गरे ।
पहिलो हाफको १३ औं मिनेटमा गोल गर्दै नुवाकोटले अग्रता लिएको थियो । भरतपुरका डिफेन्डर बिट भएको अवस्थामा गोलरक्षक मनोज गुरुङ अघि सरेको फाइदा उठाउदै नुवाकोटका सजिन थापा मगरले आकर्षक गोल गरे ।

दोस्रो हाफमा नुवाकोटले थप २ गोल गर्‍यो । दोस्रो हाफको १८ औं मिनेटमा सिसिवस थापाले नुवाकोटका लागी दोस्रो गोल गरे । नुवाकोटले प्रहार गरेको फ्री किक भरतपुरका गोलरक्षकले रोक्ने क्रममा भएको रिबाउन्डमा थापाले गोल गर्दै अग्रता दोब्बर बनाए । दोस्रो हाफको ३३ औं मिनेटमा सजिनले व्यक्तिगत दोस्रो गोल गर्दै ३–० को जित सुनिश्चित गरे । आजको जितसँगै नुवाकोट प्रतियोगिताको सेमिफाइनलमा प्रवेश गरेको छ ।

खेलको म्यान अफ दि म्याच नुवाकोटका सजिन थापा मगर घोषित भए । उनले ५ हजार रुपैयाँ प्राप्त गरे । प्रतियोगिता अन्तर्गत भोलि (शुक्रबार) फर्साटिकर एफसी रुपन्देही र सुनौलो संगम युवा क्लब बुटवलबीच खेल हुनेछ । अन्तिम समयमा मकवानपुरले सहभागी हुन नसक्ने जनाएपछि बुटवल आउने भएको हो ।

प्रतियोगितामा देशभरका १० टोली सहभागी छन् । प्रतियोगिताको विजेताले ३ लाख तथा उपविजेताले १ लाख ५० हजार रुपैयाँ प्राप्त गर्नेछ । प्रत्येक खेलको म्यान अफ दि म्याचले ५ हजार, प्रतियोगिताभरको उत्कृष्ट खेलाडीले २० हजार तथा विधागत रुपमा उत्कृष्ट हुने खेलाडीले १०–१० हजार रुपैयाँ प्राप्त गर्नेछन् । प्रतियोगिता सम्पन्न गर्नका लागि २७ लाख ७३ हजार खर्च लाग्ने अनुमान गरिएको छ ।

सेन्ट्रल कलेज अफ भोकेसनल ट्रेनिङ सेन्टर प्रतियोगिताको मुख्य प्रायोजक हो । प्रतियोगिताबाट बचेको रकम स्व.फुटबलर विजय खड्गीको छोराको अध्ययनका लागि सहयोग गरिनेछ । एन्फा २०५७ ब्याचका खड्गीको वैदेशिक रोजगारका लागि कतार गएका उनको ३२ वर्षको उमेरमा निधन भएको थियो ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका

छुटाउनु भयो कि?