जोडिनुहोस
  • होमपेज
  • दोस्रो चरणको कोरोना खोप : काठमाडौँ महानगरमा ४८ हजारभन्दा धेरैले लगाए

दोस्रो चरणको कोरोना खोप : काठमाडौँ महानगरमा ४८ हजारभन्दा धेरैले लगाए

काठमाडौँ : कोरोना भाइरसविरूद्धको दोस्रो चरणको खोप अभियानमा काठमाडौँ महानगरपालिकाका ४८ हजारभन्दा धेरैले खोप लगाएका छन् । काठमाडौँ महानगरपालिकाका ३२ वटै वडाका १४ केन्द्रबाट ४८ हजार ६८ जनाले खोप लगाएको महानगरले जनाएको छ ।
महानगरले अब अर्को चरणको खोप अभियान पनि चाडै थाल्ने जनाएको छ ।

‘दोस्रो प्राथमिकतामा परेकाहरुको लागि नेपाल सरकार स्वास्थ्य तथा जनसंख्या मन्त्रालयबाट अर्को सूचना प्राप्त भए पश्चात पुनः खोप लगाउने कार्य शुरु गर्नेछौँ,’ शहरी स्वास्थ्य तथा खाद्य पदार्थ नियमन विभाग प्रमुख हरिबहादुर कुँवरले भने, ‘दोस्रो चरणको फागुन २३ बाट शुरु कोभिडविरुद्धको खोप लगाउने कार्य सम्पन्न भएको छ ।’ दोस्रो चरणमा २५ हजार ३ सय २५ जना पुरूष र २२ हजार ७ सय ४३ जना महिलाले कोरोनाविरुद्धको खोप लगाएको उनले बताए ।

कुँवरले भने, ‘प्राप्त तथ्यांक अनुसार सबैभन्दा बढी सिभिल हस्पिटलबाट ६ हजार ७ सय १७ जनाले खोप लगाउनुभयो । दोस्रोमा ओम अस्पताल एण्ड रिसर्च सेन्टर चावहिलबाट ३ हजार ९ सय ४८ जनाले खोप लगाउनुभयो ।’

त्यसैगरी वीर अस्पतालबाट ४ हजार ३ सय ७१, टिचिङ अस्पतालबाट ३ हजार ८ सय ४३, नेपाल प्रहरी अस्पताल बाट ३ हजार ७ सय २०, हिमाल अस्पताल नक्शालबाट ३ हजार ७ सय ९, टेकु अस्पतालबाट ३ हजार २ सय ६९, स्तुपा अस्पताल बौद्धबाट ३ हजार २ सय २ र विरेन्द्र सैनिक अस्पताल छाउनीबाट ३ हजार ८३ जनाले खोप लगाएको महानगरपालिकाले जानकारी दिएको छ ।

सबै भन्दा कम मदरल्याण्ड अस्पतालमा १ हजार २ सय ६७ ले खोप लगाएका छन् भने जनमैत्री अस्पतालमा २ हजार ४ सय ४८ र केएमसी अस्पताल सिनामंगलमा २ हजार ६ सय १० जनाले लगाएका छन् । क्षेत्रपाटी निःशुल्क चिकित्सालयमा २ हजार ८ सय ४२, प्रसुतीगृह थापाथलीमा २ हजार ९ सय ९९ ले खोप लगाएको महानगरपालिकाले जानकारी दिएको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका