होमपेज केही सेकेण्डमा लोड हुनेछ।

  • Advertisement area
  • Skip this

Advertisement area

जोडिनुहोस
  • होमपेज
  • चितवनमा मगर भाषाको चलचित्र ‘मिह्री’को प्रदर्शन

चितवनमा मगर भाषाको चलचित्र ‘मिह्री’को प्रदर्शन

चितवन, फागुन १७–

चितवनका युवाहरुले निर्माण गरेको मगर भाषाको चलचित्र ‘मिह्री’ अर्थात् ‘भाग्य’को आज (सोमबार) भरतपुरमा च्यारिटी शो गरिएको छ ।
मगर समुदायको पहिचान दिलाउन निर्मित ‘मिह्री’ सिजि ल्याण्डमार्कमा रहेको सिनेप्लेक्समा प्रदर्शन गरएको हो । तनहुँको आँबुखैरेनीस्थित सत्रसय रानागाउँको रमणीय दृश्य र भौगोलिक÷सामाजिक पृष्ठभूमिमा चलचित्र बगेको छ । त्यससंगै पवित्र धार्मिकस्थल देवघाटधाम, पोखरा र चितवनको रत्ननगरलगायतका स्थानका दृश्य पनि चलचित्रमा समेटिएको छ ।

चितवनबाटै कलाकार उत्पादन गर्ने लक्ष्यसहित चलचित्र निर्माण गरिएको यस चलचित्रमा अधिकांश कलाकार चितवनकै छन् । निर्माता÷निर्देशक रमेश रानामगर स्वयंको मुख्य भुमिका रहेको यस चलचित्रमा उनले अधिकांश नयाँ कलाकारलाई समेटेका छन् । यसअघी दुई मगर चलचित्रमा अभिनय गरेकी मुख्य नायिका सनम आलेमगर, प्रेमकुमारी आलेमगर र बलबिक्रम थापामगरबाहेक अरू सबै नयाँ कलाकार हुन् । तर चलचित्रमा उनीहरुको प्रस्तुत पनि बेजोड देख्न सकिन्छ ।

ईश्वर रानामगर, प्रीज्मा आलेमगर, आशिक रानामगर, मिलन थापामगर, सृष्टी थापामगर, देवी थापामगर, भीमबहादुर थापामगर नव कलाकारहरु हुन् । उनीहरुको अभिनयले मगर चलचत्रिलाई अघि बढाउन थप मद्धत मिल्ने देखिन्छ ।

चलचित्रमा अमृता थापा रानामगर, प्रेमकुमारी आलेमगर, तुलमान गुरुङ र देवेन्द्र रानामगरको संयुक्त लगानी रहेको छ । दुई दशकदेखि नै चितवनको सञ्चार क्षेत्रमा कार्यरत घना गुरूङले चलचित्रलाई छायाँकन तथा सम्पादन गरेका हुन् ।

करिब दुई दशकदेखि सञ्चारकर्ममा सक्रिय रमेश रानामगरको लेखन तथा निर्देशन रहेको चलचित्र ‘मिह्री’को अर्थ नेपालीमा भाग्य हो । मगर संस्कृतिमा आधारित चलचित्र चितवनबाट निर्माण भएको यो पहिलो हो । रफ्तार मिडिया प्रा.लि.को व्यानरमा निर्माण भएको यस चलचित्रमा ‘के मेरो माया लाग्छ र’ र ‘भमरा डुल्यो’ सालैजो गीत समावेश छ ।

चलचित्रको च्यारिटी शो गरिनु अघि चलचित्रका कलाकार तथा सम्बन्धित व्यक्तिहरुलाई मायाको चिनो प्रदान गरिएको थियो ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ताजा समाचार

प्रचलन खबर

धेरै टिप्पणी गरिएका