जोडिनुहोस
  • होमपेज
  • मिस्टर एण्ड मिस थारुमा ७६ जना छनौट, काठमाडौंमा प्रशिक्षण गराइने

मिस्टर एण्ड मिस थारुमा ७६ जना छनौट, काठमाडौंमा प्रशिक्षण गराइने

काठमाडौं, फागुन २–

तेस्रो संस्करणको मिस्टर एण्ड मिस थारु २०२१ का लागि ७६ जना छनौट भएका छन् । शनिबार तीन जिल्ला काठमाडौं, दाङ र रुपन्देहीमा अडिसन सम्पन्न भएसंगै छनौट हुनेको संख्या ७६ पुगेको हो ।

वाइएसी इभेन्ट्सको सहकार्यमा जह इन्टरटेनमेन्टद्वारा आयोजित यस प्रतियोगितामा मिस्टर थारुतर्फ ३३ जना र मिस थारुतर्फ ४३ जना छनौट भएको जह इन्टरटेनमेन्टका प्रवन्ध निर्देशक सुरेश चौधरीले जानकारी दिए ।

अन्तिम अडिसन अन्तरगत शनिबार काठमाडौंको अनामनगरस्थित युनियन हाउसमा भएको अडिसनबाट ९ पुरुष र १० महिला गरी १९ जना, रुपन्देहीको बुटवलस्थित होटल द बुटवल भ्यूमा भएको अडिसनबाट एक पुरुष र ६ महिला गरी ७ जना र दाङको घोराहीस्थित कविला रिसोर्टमा भएको अडिसनमा ४ महिला छनौट भएको प्रवन्ध निर्देशक चौधरीले जानकारी दिए ।

यसैगरी चितवन अडिसनबाट ४ महिला र ४ पुरुष गरी ८ जना, नेपालगञ्ज अडिसनबाट २ महिला, विराटनगर अडिसनबाट २ पुरुष र ३ महिला गरी ५ जना, सुनसरीको झुम्का अडिसनबाट २ पुरुष र ६ महिला गरी ८ जना, सिराहाको लहान अडिसनबाट २ पुरुष र २ महिला गरी ४ जना, वीरगञ्ज अडिसनबाट १२ पुरुष र ५ महिला गरी १७ जना, धनगढी अडिसनबाट १ महिला र एक पुरुष गरी २ जना छनौट भएको प्रवन्ध निर्देशक चौधरीले जानकारी दिए ।

अडिसनबाट छनौटमा भएका प्रतियोगीहरुलाई काठमाडौंको प्रशिक्षणमा सहभागि गराइने छ । उनीहरुलाई २५ दिनसम्म विभिन्न विधामा रहेर प्रशिक्षण दिइने इभेन्ट डाइरेक्टर रुपेश चौधरीले जानकारी दिए । प्रतियोगिताको फाइनल चितवनको सौराहामा चैत ७ गते हुनेछ । प्रतियोगितालाई भव्य बनाउने गरी तयारी थालिएको वाइएसी इभेन्टका इभेन्ट म्यानेजर जयस चौधरीले जानकारी दिए । प्रतियोगिताको विजेताले नगद ५० हजार, फस्ट रनरअपले ३० हजार, सेकेण्ड रनरअपले २० हजार र विभिन्न उपहारहरु प्राप्त गर्ने इभेन्ट म्यानेजर सुदिप चौधरीले जानकारी दिए ।

थारु समुदायको उत्थान र कलासंस्कृतिको संरक्षणका लागि थारु युवाहरु सन् २०१७ देखि यस प्रतियोगिताको सुरुवात गरेका हुन् । यस प्रतियोगिताको पहिलो संस्करणको मिस्टर थारु चन्दन चौधरी र मिस थारु जेनिसा चौधरी भएकी थिइन् भने दोस्रो संस्करणको मिस्टर थारु रविन चौधरी र मिस थारु आकृति चौधरी भएकी थिइन् ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका