जोडिनुहोस
  • होमपेज
  • मिस्टर एण्ड मिस थारुको आज अन्तिम अडिसन, मौका नगुमाउनु होला

मिस्टर एण्ड मिस थारुको आज अन्तिम अडिसन, मौका नगुमाउनु होला

काठमाडौं, फागुन १–

तेस्रो संस्करणको मिस्टर एण्ड मिस थारु २०२१ को अन्तिम अडिसन आज (शनिबार) तीन जिल्लामा हुँदैछ ।

वाइएसी इभेन्ट्सको सहकार्यमा जह इन्टरटेनमेन्टद्वारा आयोजित यस प्रतियोगिताको अन्तिम अडिसन आज (शनिबार) काठमाडौं, बुटवल र दाङमा हुन लागेको हो । आज काठमाडौंको अनामनगरस्थित युनियन हाउस, रुपन्देहीको बुटवलस्थित होटल द बुटवल भ्यू र दाङको घोराहीस्थित कविला रिसोर्टमा अडिसन हुने जह इन्टरटेनमेन्टका प्रवन्ध निर्देशक सुरेश चौधरीले जानकारी दिए ।

यस अडिसनबाट छनौट भएका प्रतियोगी र यसअघि दुई चरणमा भएको अडिसनबाट छनौटमा भएका प्रतियोगीहरुलाई प्रशिक्षणमा सहभागि गराइने छ ।

पहिलो चरणमा चितवन, विराटनगर र नेपालगञ्जबाट १४ जना छनौट भएका थिए भने दोस्रो चरणमा सुनसरीको झुम्का, सिराहाको लहान, पर्साको वीरगञ्ज र कैलालीको धनगढीमा भएको अडिसनबाट ३० जना छनौट भएका छन् ।

अडिसन पश्चात छनौट भएका प्रतिस्पर्धीहरुको काठमाडौंमा प्रशिक्षण गरिने छ । उनीहरुलाई २५ दिनसम्म विभिन्न विधामा रहेर प्रशिक्षण दिइने इभेन्ट डाइरेक्टर रुपेश चौधरीले जानकारी दिए । प्रतियोगिताको फाइनल चितवनको सौराहामा चैत ७ गते हुनेछ । प्रतियोगिताको विजेताले नगद ५० हजार, फस्ट रनरअपले ३० हजार, सेकेण्ड रनरअपले २० हजार र विभिन्न उपहारहरु प्राप्त गर्ने इभेन्ट म्यानेजर सुदिप चौधरीले जानकारी दिए ।

थारु समुदायको उत्थान र कलासंस्कृतिको संरक्षणका लागि थारु युवाहरु सन् २०१७ देखि यस प्रतियोगिताको सुरुवात गरेका हुन् । यस प्रतियोगिताको पहिलो संस्करणको मिस्टर थारु चन्दन चौधरी र मिस थारु जेनिसा चौधरी भएकी थिइन् भने दोस्रो संस्करणको मिस्टर थारु रविन चौधरी र मिस थारु आकृति चौधरी भएकी थिइन् ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका