होमपेज केही सेकेण्डमा लोड हुनेछ।

  • Advertisement area
  • Skip this

Advertisement area

जोडिनुहोस
शुक्रबार, फाल्गुन २१, २०७७
शुक्रबार, फाल्गुन २१, २०७७
  • होमपेज
  • मेयरले बहिष्कार गरेको सिटीहल शिलान्यासमा पुगे भरतपुर महानगरका ७ वडाध्यक्ष

मेयरले बहिष्कार गरेको सिटीहल शिलान्यासमा पुगे भरतपुर महानगरका ७ वडाध्यक्ष

चितवन,माघ १७-

प्रधानमन्त्री केपी शर्मा ओलीले चितवनको भरतपुरमा निर्माण थालिएका सिटी हल र गोन्द्राङ पुल्चोक ६ लेन सडक विस्तारको शनिवार शिलान्यास गरे । प्रधानमन्त्रीले गर्ने शिलान्यास कार्यक्रमको भरतपुर महानगरपालिका र नेकपाको प्रचण्ड माधव समूहले बहिष्कारको घोषणा गरेका थिए । तर, शिलान्यास कार्यक्रममा नेकपा कै ७ जना वडाध्यक्ष सहभागी भए ।

भरतपुर वडा नं. २ का वडाध्यक्ष पूर्णबहादुर श्रेष्ठ, वडा नं. ४ का हरि आचार्य, वडा नं. ११ का बाबुराम अधिकारी, वडा नं. २३ का नरीनारायण पौडेल, वडा नं. २४ का कान्छा मल्ल, वडा नं. २८ का आशबहादुर कुमाल र वडा नं. २९ का मानबहादुर थापामगर सिटी हल शिलान्यास कार्यक्रममा सहभागी बनेका हुन् । महानगर मेयर रेनु दाहालले शुक्रवार महानगरमा पत्रकार सम्मेलन गरी कार्यक्रम बहिष्कार गर्ने सहभागी हुन नसकिने जनाएकी थिइन् ।

भरतपुर ४ का वडाध्यक्ष हरि आचार्यले मूलुकको प्रधानमन्त्री आफ्नो महानगरमा विकासको काममा आउँदा नजाने वा बहिष्कार गर्ने भन्ने प्रश्नै नहुने बताए । ‘कसैलाई चित्त बुझ्ला नबुझ्ला, केही गुनासा होलान् ति अलग विषय हुन् तर विकासका विषयमा राजनीति गर्नु हुँदैन’ वडाध्यक्ष आचार्यले भने, ‘वहिष्कार गर्नुपर्ने वा सहभागी हुनुनपर्ने कुनै कुरा छैन ।’

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका