होमपेज केही सेकेण्डमा लोड हुनेछ।

  • Advertisement area
  • Skip this

Advertisement area

जोडिनुहोस
शुक्रबार, फाल्गुन २१, २०७७
शुक्रबार, फाल्गुन २१, २०७७
  • होमपेज
  • पोर्चुगलमा नियन्त्रण भन्दा बाहिर कोरोना, जर्मनले सैन्य स्वास्थ्य विज्ञ टोली खटायो

पोर्चुगलमा नियन्त्रण भन्दा बाहिर कोरोना, जर्मनले सैन्य स्वास्थ्य विज्ञ टोली खटायो

पुनम गौतम

पोर्चुगल, माघ १६–

अस्पतालमा बेड खाली नहुँदा कोरोनाका बिरामी बोकेका २३ एम्बुलेन्स १२ घण्टादेखि खाना र पानी बिना हस्पिटलको गेटमा बस्न बाध्य भएका छन् । पोर्चुगलकै सबैभन्दा ठूलो सान्ता मारिया अस्पतालको गेटमा एम्बुलेन्सको लाम देख्न सकिन्छ ।

स्थानीय टेलिभिजनमा सो सम्बन्धी समाचार प्रशारण भएपछि नागरिक स्वयम् सेवकहरुले एम्बुलेन्स चालक, फायर फाइटर र बिरामीका लागि खाना, पानी र जुस ल्याईदिएर सहयोग गरेका छन् । पोर्चुगलको अवस्था दिनदिनै दयनीय हुँदै गएको छ । पोर्चुगलमा कोरोना भाइरस कारण विहीबार मात्रै ३०३ जनाको ज्यान गएको छ । सोही समयमा १६ हजार ४३२ जना संक्रमित थपिएका छन् । कोरोनाका कारण एकै दिन ज्यान गुमाउनेहरुको यो संख्या अहिलेसम्मकै अत्याधिक हो । राजधानी लिस्वन स्थित सान्ता मारिया अस्पतालको आपत्तकालिन क्षेत्रमा बिरामी बोकेका एम्बुलेन्सहरु सेवा अभावमा घण्टौंदेखि लाइन लागेर बस्दै आएका छन् ।

त्यस्तै, पोर्चुगलका अस्पतालहरुमा कोरोनाका बिरामीको चापले स्थिति नियन्त्रण बाहिर भएपछि जर्मनीले पठाएको आफ्नो सैन्य स्वास्थ्य विज्ञ टोली पोर्चुगल आइपुगेको छ । पोर्चुगललाई कोरोना बिरुद्धको लडाई र उपचारमा सहयोग गर्न विहीबार सैन्य चिकित्सकको टोली पोर्चुगल आएको छ । सहयोगार्थ आएको सैन्य चिकित्सकहरुको टोलीले कोरोनाका बिरामीहरुलाई उपचारका लागि जर्मनी लैजान हवाई अस्पताल तयारी अवस्थामा राखेको जनाएको छ । जर्मनीको सैन्य चिकित्सक टोलीले पोर्चुगलमा आएर यहाँको स्वास्थ्य सेवामा कसरी सहयोग गर्न सकिन्छ भनेर अध्ययन गरेको थियो ।

सो हवाई अस्पतालमा कोरोनाको आइसियुमा उपचार गर्नुपर्ने बिरामीलाई मात्रै लगिनेछ । जर्मनी युरोप मै सबैभन्दा बढी आइ सी यु सेवा भएको देश हो । त्यहांको स्वास्थ्य सेवा युरोपमै सबैभन्दा बलियो मानिन्छ । युरोपमा कोरोनाको पहिलो र दोश्रो प्रभावमा जर्मनीले फ्रान्स, स्पेन, बेल्जियमर, इटाली लगायत देशका बिरामीलाई यसरी नै लगेर उपचार सहयोग गरेको थियो ।

सो हवाई अस्पताल बाहिरबाट हेर्दा सामान्य सैन्य बिमान जस्तो देखिएतापनि त्यस बिमान भित्र ठुल्ठुला एम्बुलेन्स नै बोक्न सकिने, सिकिस्त अवस्थाका ४० जना र आइसियुमा १६ जनाको एकै पटक उपचार गर्न सकिने व्यवस्था रहेको छ । यी हवाई अस्पताल पोर्चुगलको राजधानी लिस्बनमा बढी चाप भएका अस्पतालबाट सिकिस्त बिरामी जर्मनी लगेर उपचार गर्न प्रयोग गरिनेछ । त्यस्तै पोर्चुगलभित्रै पनि बढी चाप भएका क्षेत्रबाट कम चाप भएका क्षेत्रमा समेत बिरामी ओसारपोसार गर्न प्रयोग गर्न सकिनेछ ।

तस्विरः भोईस अफ नेपाल

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका