होमपेज केही सेकेण्डमा लोड हुनेछ।

  • Advertisement area
  • Skip this

Advertisement area

जोडिनुहोस
शुक्रबार, फाल्गुन २१, २०७७
शुक्रबार, फाल्गुन २१, २०७७
  • होमपेज
  • आर्थिक सहयोग गर्दै नारायणगढ लायन्सले मनायो ३९औं स्थापना दिवस

आर्थिक सहयोग गर्दै नारायणगढ लायन्सले मनायो ३९औं स्थापना दिवस

चितवन, माघ ६–

चितवनकै जेठो क्लव नारायणगढ लायन्स क्लवले आर्थिक सहयोग गरेर स्थापना दिवस मनाएको छ ।

३९ औं स्थापना दिवसको अवसर पारेर नेत्र ज्योति संघ, चितवनद्धारा संचालित भरतपुर आँखा अस्पताललाई ५१ हजार रुपैयाँ आर्थिक सहयोग गर्दै क्लवले स्थापना दिवस मनाएको हो । सोमबार एक कार्यक्रमकाबीच प्रमुख अतिथि पूर्व डिष्ट्रिक्ट गर्भनर एवंम नारायणगढ लायन्सका संस्थापक सचिव लायन प्रभात कुमार जोशीले नेत्रज्योति संघ, चितवनका अध्यक्ष कृष्णराज धरेल र भरतपुर आँखा अस्पतालका चिफ मेडिकल डाइरेक्टर रघुनन्दन बेञ्जुलाई सहयोग रकम ५१ हजार रुपैयाँ हस्तान्तरण गरे ।

क्लवका संस्थापक अध्यक्ष स्व.श्रीनारायण पियाको स्मृति र क्लवको स्थापना दिवसको अवसर पारेर सो रकम सहयोग गरिएको क्लवका सचिव सुरेश कुमार श्रेष्ठले जानकारी दिए । गरिब तथा निमुखा वर्गका आँखाका रोगीहरुको निःशुल्क उपचार गर्ने उद्देश्यले सो रकम सहयोग गरिएको सचिव श्रेष्ठले जानकारी दिए ।

क्लवका अध्यक्ष लायन केशवप्रसाद अधिकारीको सभापतित्वमा सम्पन्न कार्यक्रममा नेत्र ज्योति संघका केन्द्रीय सल्लाहकार लायन बामदेव खनाल, भरतपुर आँखा अस्पतालका चिकित्सक, कर्मचारी, लायनहरुलगायतको सहभागिता रहेको थियो । नारायणगढ लायन्स क्लव सन् १९८२ जनवरी १८ मा स्थापना भएको हो ।

यसैबीच नारायणगढ लायन्स क्लवका संस्थापकहरु लायन प्रभात कुमार जोशी र लायन कृष्णकुमार श्रेष्ठलाई सम्मान गरिएको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका