होमपेज केही सेकेण्डमा लोड हुनेछ।

  • Advertisement area
  • Skip this

Advertisement area

जोडिनुहोस
शुक्रबार, फाल्गुन २१, २०७७
शुक्रबार, फाल्गुन २१, २०७७
  • होमपेज
  • बागमती प्रदेशको उत्कृष्ट सुरुवात, साविक विजेता पुलिस ७ विकेटले पराजित

बागमती प्रदेशको उत्कृष्ट सुरुवात, साविक विजेता पुलिस ७ विकेटले पराजित

काठमाडौं, माघ ४–

काठमाडौंमा जारी प्रधानमन्त्री कप एकदिवसीय क्रिकेटमा बागमती प्रदेशले उत्कृष्ट सुरुवात गरेको छ । आज (आइतबार) टियु क्रिकेट मैदानमा भएको खेलमा साविक विजेता नेपाल पुलिस क्लवलाई ७ विकेटले पराजित गर्दै बागमतीले उत्कृष्ट सुरुवात गरेको हो ।

पुलिसले दिएको ११२ रनको लक्ष्य पछ्याएको बागमती ३४.४ ओभरमा ३ विकेट गुमाएर ११४ रन बनाउँदै जित हासिल गर्‍यो । बागमतीको जितमा उपकप्तान पृथु बास्कोटाले अविजित ४८ र इशान पाण्डेले १७ रन बनाए । यस्तै पारस खड्काले १७, आदिल खानले १२ र ओपनर आकाश थापाले एक रन बनाए ।

पुलिसका लागि दीपेन्द्र सिंह ऐरी र ललित नारायण राजवंशीले समान एक विकेट लिए ।

 

यसअघि पहिले व्याटिङ गरेको पुलिसले २९.३ ओभरमा सबै विकेट गुमाउँदै १११ रन मात्रै जोड्न सक्यो । उसका लागि दीपेन्द्र सिंह ऐरी र आरिफ शेखले समान २१ रन बनाए भने सुनिल धमला र कुशल भुर्तेलले समान १७ रन बनाए । पुलिसका अन्य व्याट्सम्यानले दोहोरो अंक जोड्न सकेनन् ।

पुलिसको पारीलाई धरासयी बनाउन युवा खेलाडी तिलक भण्डारीले महत्वपूर्ण ४ विकेट लिए । ७.३ ओभर बलिङ गरेका भण्डारीले एक मेडनसहित मात्र १७ रन दिए । यस्तै युवा बलर नन्दन यादवले ९ ओभरमा एक मेडनसहित ३१ रन खर्चिएर महत्वपूर्ण ४ विकेट लिए । रामनरेश गिरीले २ विकेट लिए ।

खेलमा ४ विकेट लिएका तिलक भण्डारी म्यान अफ दि म्याच घोषित भए ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका