चितवन, पुस २३–

चितवनको माडीमा बिहीबार प्रधानमन्त्री केपी शर्मा ओलीको पुत्ला दहन गरिएको छ ।

संसद पुर्नस्थापनाको माग राख्दै माडी क्याम्पस अगाडि नेकपा (प्रचण्ड–माधव समूह)को अनेरास्ववियूका विद्यार्थीहरुले प्रधानमन्त्री ओलीको पुत्ला दहन गरेको हो ।

प्रहरीले पुत्ला दहन रोक्न खोज्दा विद्यार्थीहरुले प्रतिकार समेत गरेका थिए । कार्यक्रममा विद्यार्थी नेताहरु मिलन पनेरु, पदम पन्त लगायतको उपस्थिति रहेको थियो । पुत्ला दहनपछि नेता पनेरुले सम्बोधन गरेका थिए ।