जोडिनुहोस
बिहिबार, कार्तिक ११, २०७८
बिहिबार, कार्तिक ११, २०७८
alt
  • होमपेज
  • नेपालमै पहिलोपटक चितवन मेडिकल कलेजमा न्यूक्लियर मेडिसिन सेवा सुरु (भिडियो)

नेपालमै पहिलोपटक चितवन मेडिकल कलेजमा न्यूक्लियर मेडिसिन सेवा सुरु (भिडियो)

चितवन, पुस ४–

नेपालमै पहिलोपटक चितवनमा न्यूक्लियर मेडिसिन सेवा सुरु भएको छ । चितवन मेडिकल कलेज भरतपुरले चिकित्साशास्त्रको अत्याधुनिक र अतिविशिष्ट सेवा अन्तरगत न्यूक्लियर मेडिसिन सेवा सुरु गरेको हो ।

न्यूक्लियर मेडिसिन विशेषज्ञ डा.जीवन पौडेलको नेतृत्वमा विशिष्ट सेवा सुरु गरिएको हो । यस उपचारबाट सबैभन्दा बढी थाइराडका बिरामीहरु लाभान्वित हुने छन् । यस सेवा अन्तरगत सानो मात्रामा रेडियोधर्मी औषधि बिरामीको नशामा चढाइन्छ । त्यसबाट निश्कने गामा विकिरणलाई स्पेक्ट/सिटीको माध्यमबाट जाँच गरिन्छ । जसबाट शरीरका विभिन्न अंगहरुको गहज जाँच सम्भव हुने र थाइराइडका क्यान्सरको समेत पूर्ण रुपमा सफल उपचार हुने डा.पौडेलले जानकारी दिए । उनले भने–‘नेपालमै पहिलोपटक यो सेवा सुरु भएको छ, यसबाट सबै प्रकारका बिरामीहरु लाभान्वित हुने छन्, यो एक स्थापित र सुरक्षित सेवा हो ।’

डा.पौडेलले यस सेवाबाट थाइराइडका गलगाडको विना अप्रेशन सफल र स्थापित उपचार हुने बताए । यस सेवाबाट मुटु, मस्तिष्क, थाइराइड, फोक्सो, मिर्गौला, कलेजो र हड्डीका साथै अन्य विभिन्न विभागका बिरामीहरु लाभान्वित हुने भएका छन् ।

चितवन मेडिकल कलेजका अध्यक्ष तथा प्रवन्ध निर्देशक डा.हरिशचन्द्र न्यौपानेले विगत एक दशकदेखि नै चितवन मेडिकल कलेज उच्चस्तरीय प्रविधिसहित उपचार कसरी सहज बनाउने भन्ने नीतिमा लागि रहेको भन्दै सोही अनुरुप नयाँ प्रविधि भित्र्याएर सेवा संचालन गर्न सफल भएको बताए । उनले यस सेवा लिन काठमाडौंबाट समेत बिरामीहरु चितवन रिफर भएर आउने बताए । उनले भने–‘यो विशिष्ट प्रकृतिको सेवा भएकाले सबै ठाउँका बिरामीहरु लाभान्वित हुनेछन्, मेडिकलको हब राजधानीबाट समेत बिरामी आउने छन् ।’

यो सेवा औनपचारिक रुपमा सुरु भइसकेको छ भने केही दिनभित्रमा औपचारिक रुपमा नै उद्घाटन गरिनेछ । चितवन मेडिकल कलेजका प्रमुख कार्यकारी अधिकृत (सिइओ) प्रताप देवकोटाले न्यूक्लियर मेडिसिन सेवा सुरु गर्न १४ करोड रुपैयाँ खर्च भएको जानकारी दिए । साँढे ९ करोड उपकरण र बाँकी रकम अन्य पूर्वाधारमा खर्च भएको सिइओ देवकोटाले जानकारी दिए । जर्मनको सिमेन्स इन्टिभो कम्पनीको स्पेक्ट सिटी उपकरण जडान गरिएको छ । स्पेक्ट सिटिका साथै न्यूक्लियर मेडिसिन रेडियोधर्मी औषधि बनाउने ल्याबका उपकरणहरु र दक्ष जनशक्तिबाट देशकै नमुना न्यूक्लियर मेडिसिन विभाग स्थापित गरिएको छ ।

अस्पतालका सिइओ देवकोटाका अनुसार यो सेवा लिनका लागि बिरामीले ७ हजार पाँच सयदेखि २४ हजार रुपैयाँ खर्च गर्नुपर्ने हुन्छ । हाल दैनिक १५ जनाले यो सेवा लिन सक्ने छन् । देशकै मध्यभागमा रहेको चितवन मेडिकल कलेजमा नेपालका विभिन्न जिल्लाका साथै भारतबाट समेत बिरामी उपचारका लागि आउने गरेका छन् । गतआर्थिक वर्षमा यहाँ ३ लाख २४ हजार बढीले उपचार गराएका छन् ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका