जोडिनुहोस
  • होमपेज
  • पारस खड्का टीम अबुधाबीको मेन्टरमा नियुक्त

पारस खड्का टीम अबुधाबीको मेन्टरमा नियुक्त

काठमाडौं, पुस ४–

नेपाली राष्ट्रिय क्रिकेट टिमका अलराउण्डर, पूर्व कप्तान पारस खड्का टी–१० लिगमा टीम अबुधाबीको इमर्जिङ ट्यालेन्ट मेन्टरमा नियुक्त भएका छन् ।

टीम अबुधाबीले शुक्रबार अलराउण्डर पारसलाई नयाँ सिजनको लागि इमर्जिङ ट्यालेन्ट मेन्टरको भूमिकामा नियुक्त गरेको हो ।
अब हुने टी–१० लिगका लागि पारसले मेन्टरको भूमिका खेल्नेछन् । उनी टिमको कोचिङ स्टाफको रुपमा रहने अबुधाबीले जनाएको छ । गत सिजन पारसले टीम अबुधाबीका लागि खेलेका थिए ।

पारसले पहिलो पटक टिम अबुधाबी मार्फत नै विदेशी लिगमा सहभागिता जनाएका हुन् ।

मेन्टरमा नियुक्त भएपछि पारस खड्का आफू उत्साहित भएको प्रतिक्रिया दिएका छन् । उनले ट्वीट गर्दै भनेका छन्–‘टीम अबुधाबीसँगको नयाँ भूमिकालाई लिएर उत्साहित छु । आशा छ, क्रिकेटिङ टाईअपबाट अन्तर्राष्ट्रिय लेभलमा नेपाली क्रिकेट विकास गर्न सकिन्छ । र टीम अबुधाबी मार्फत हाम्रा क्रिकेटरका लागि अवसर प्राप्त गर्न सकिनेछ ।’

चौथो संस्करणको टी–१० लिग युएईमा आगामी वर्ष जनवरी २६ देखि फेब्रुअरी ६ सम्म हुनेछ । अबुधाबीले अहिलेसम्म रोहन मुस्ताफा, लुक राइट, अभिस्का फर्नान्डो र हाएडेन वाल्स जुनियरलाई टिममा रिटेन गरेको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका