जोडिनुहोस
  • होमपेज
  • बेहुली बनिन् नायिका स्वेता खड्का

बेहुली बनिन् नायिका स्वेता खड्का

काठमाडौं, मंसिर २२-

नायिका स्वेता खड्का धनगढीका विजयन्द्र सिंह रावतसँग विवाहबन्धनमा बाँधिएकी छन् ।

गोकर्ण रिसोर्टमा सिमित पारिवारिक सदस्य र साथीहरूको उपस्थितिमा उनीहरुको आज विवाह भएको हो।

विवाहको अघिल्लो दिन स्वेताले गोकर्ण फरेस्ट रिसोर्टमा गरिएको मेहेन्दी कार्यक्रमको तस्बिरहरु सामाजिक सञ्जालमा सार्वजनिक गरेकी छन्। खड्काले मेहेन्दी कार्यक्रमको तस्बिर सार्वजनिक गर्दै लेखेकी छन्, ‘मेहन्दीको रङहरु सँगै खुल्दै छु म, जीवनको नयाँ पानाहरुमा भुल्दै छु म ।’

श्वेताको यो दोश्रो विवाह हो । यसअघि उनले २०७१ साल असार २३ गते अभिनेता श्रीकृष्ण श्रेष्ठसँग विवाह गरेकी थिइन्। विवाहको एक महिनापछि श्रीकृष्णको उपचारका क्रममा मृत्यु भएको थियो।

‘कहाँ भेटिएला’ चलचित्रबाट नेपाली चलचित्र जगतमा प्रवेश गरेकी श्वेताले आधा दर्जनभन्दा बढी चलचित्रमा अभिनय गरेकी छिन् । खड्काले सामाजिक सञ्जालमा आइतबार मन छुने स्टाटस लेख्दै आफू विवाहबन्धनमा बाँधिन लागेको जानकारी गराएकी थिइन्।

जीवनका आरोहअवरोह, उकालीओराली, सुखदुःख अनि हाँसो रोदनका पलहरूलाई आत्मसात् गर्दै आज जिन्दगीको अर्को एउटा मोडमा आइपुगेकी छु । जिन्दगीको यो मोडसम्म आइपुग्दा मैले जे जस्ता पीर, व्यथा, दुःख अनि कष्ट सामना गरेकी छु, त्यसभित्रका कहालीलाग्दा अनुभव शब्दमा बयान गर्न असमर्थ छु’, श्वेताले लेखेकी छन्, ‘अचानोको पीडा खुकुरीलाई थाहा हुन्न भनेझैं समयको दुष्चक्रले ममाथि प्रहार गरेका अनेकन प्रहार र त्यसबाट मैले भोगेका पीडा केवल मलाई मात्र थाहा छ ।’

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका