जोडिनुहोस
  • होमपेज
  • भरतपुर अस्पतालमा आज एकैदिन दुई जना कोरोना संक्रमितको मृत्यु

भरतपुर अस्पतालमा आज एकैदिन दुई जना कोरोना संक्रमितको मृत्यु

चितवन, मंसिर १२–

चितवनमा आज एकैदिन थप दुई जना कोरोना भाइरस (कोभिड–१९) संक्रमितको मृत्यु भएको छ ।

भरतपुर अस्पतालमा उपचाररत भरतपुर–१७ का ५७ वर्षीय पुरुषको आज (शुक्रबार) विहान ५ः१५ बजेको समयमा मृत्यु भएको अस्पतालका सूचना अधिकारी लिलाधर पौडेलले जानकारी दिए ।

निमोनियाको समस्या भएपछि उनको मंसिर ३ गते पीसीआर परीक्षण गरिएको थियो । अर्को दिन कोरोना संक्रमण पुष्टि भएपछि उनलाई मंसिर ५ गते अस्पताल भर्ना गरिएको थियो । अवस्था जटिल बन्दै गएपछि उनलाई कोभिड आइसीयूमा राखेर उपचार थालिएको थियो ।

यस्तै सोही अस्पतालमा उपचाररत मकवानपुरको हेटौंडा–१० की ५७ वर्षीया कोरोना संक्रमित महिलाको पनि मृत्यु भएको छ । हिजो मात्रै कोरोना संक्रमणसहित अस्पताल भर्ना भएकी ती महिलाको आज (शुक्रबार) विहान ६ बजे मृत्यु भएको अस्पतालका सूचना अधिकारी पौडेलले जानकारी दिए ।

ती पुरुषमा मंसिर ८ गते कोरोना संक्रमण पुष्टि भएको थियो । उनलाई कोभिड आइसीयूमा राखेर उपचार थालिएको थियो ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका