जोडिनुहोस
  • होमपेज
  • दिल्लीको लगातार दोस्रो हार, आइपीएलको प्ले अफ दौड थप रोमाञ्चक बन्यो

दिल्लीको लगातार दोस्रो हार, आइपीएलको प्ले अफ दौड थप रोमाञ्चक बन्यो

काठमाडौं, कार्तिक ८–

शीर्ष स्थानमा पुगेको दिल्ली क्यापिटल्सले लगातार दोस्रो हार व्यहोरेको छ । शनिबार भएको पहिलो खेलमा कोलकत्ता नाइट राइडर्ससंग ५९ रनले पराजित हुँदै दिल्ली दोस्रो स्थानमा झरेको छ ।

दिल्ली ११ खेलमा १४ अंकका साथ दोस्रो स्थानमा झरेको हो । दिल्ली भन्दा एक खेल कम खेलेको मुम्बई समान १४ अंक र उत्कृष्ट रनरेटको आधारमा शीर्ष स्थानमा उक्लिएको छ भने रोयल च्यालेन्जर्स बैंङलोर १४ अंकका साथ तेस्रो स्थानमा छ ।

दिल्लीको हारसंगै आइपीएलको प्ले अफ दौड थप रोचक बनेको छ । चार टिम मात्रै प्लेअफ पुग्ने भए पनि अहिले चेन्नाई बाहेक अन्य ७ टिमकै संभावना जिवितै रहेको छ । यसपटक उपाधिको बलियो दाबेदारको रुपमा रहेको दिल्ली क्यापिटल्स कोलकत्ता नाईटराइडर्ससंग फराकिलो हार व्यहोरेपछि प्ले अफ समीकरण उथलउपथल भएको छ ।

कोलकत्ताले दिएको १९५ रनको लक्ष्य पछ्याएको दिल्ली ९ विकेटको क्षतिमा १३५ रन मात्रै जोड्न सफल भएको थियो । दिल्लीका लागि कप्तान श्रेयस ऐर बाहेक अन्य व्याट्सम्यानले उल्लेखीय प्रदर्शन गर्न सकेनन् । यसअघि पहिले व्याटिङ गरेको कोलकत्ताले ६ विकेटको क्षतिमा १९४ रन जोड्न सफल भएको थियो । नितिस रानाले ८१ र सुनिल नारायणले ६४ रनको अर्धशतकीय पारी खेल्दै कोलकत्तालाई विशाल योगफल तर्फ पुर्‍याएको थियो ।

जितसंगै १२ अंकका साथ कोलकत्ता चौथो स्थानमा यथावत रहेको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

धेरै टिप्पणी गरिएका