जोडिनुहोस
  • होमपेज
  • चितवनमा ३ लाख नक्कली नोटसहित एक युवक पक्राउ

चितवनमा ३ लाख नक्कली नोटसहित एक युवक पक्राउ

चितवन, कार्तिक ६–

चितवनमा तीन लाख बढी नक्कली नोटसहित एक जना पक्राउ परेका छन् । जिल्ला प्रहरी कार्यालय चितवनले ३ लाख २१ हजार नगदसहित एक युवकलाई पक्राउ गरेको हो । प्रहरीले आज पत्रकार सम्मेलन गरी नगदसहित युवकलाई सार्वजनिक गरेको छ । पक्राउ पर्नेमा मकवानपुरको राक्सीराङ–८ का २६ वर्षीय जितबहादुर लोप्चन रहेका छन् । उनलाई चितवनको राप्ती नगरपालिका–५ चौकीडाँडाबाट १२ हजारको नोटसहित पक्राउ गरिएको जिल्ला प्रहरी कार्यालय चितवनका प्रवक्ता सूर्यबहादुर थापाले जानकारी दिए । थप अनुसन्धान गर्दा लोप्चनले घरमा लुकाई राखेको एक हजार दरको ३०२ थान गरी ३ लाख २ हजार नगद बरामद गरिएको उनले जानकारी दिए । प्रहरीले अनुसन्धानको क्रममा भण्डारास्थित युनिक होटललाई खाजा बापत दिएको एक हजार र बर्तौला किराना पसलबाट खाद्यान्न सामान किने बापत दिएको ६ हजार रुपैयाँ नगद समेत बरामद गरेको छ ।

यही कार्तिक ४ गते दिउँसो ३ बजे राप्ती–५ भण्डारा बजारमा सामानि किन्ने क्रममा नक्कली पैसा दिई मानिस फरार भएको भनेर सूचना प्राप्त भएपछि प्रहरीले अनुसन्धान अघि बढाएको थियो । तत्काल प्रहरी निरीक्षक राजिव गिरीको कमाण्डमा प्रहरी टोली उक्त पसलमा गई हुलिया पत्ता लगाई खोजतलास गर्दै जाँदा लोप्चनलाई राप्ती नगरपालिका–५ चौकीडाँडाबाट एक हजारको नक्कली जस्तो देखिने १२ थान १२ हजार जाली नोट सहित पक्राउ गरिएको जिल्ला प्रहरी कार्यालय चितवनका प्रहरी उपरीक्षक नान्तीराज गुरुङले जानकारी दिए ।

प्रहरीले हिरासतमा रहेका लोप्चनलाई चितवन जिल्ला अदालतबाट जरुरी पक्राउ पुर्जी स्वीकृति समर्थन लिई मुलुकी अपराध संहिता २०७४ को परिच्छेद २२ अन्तरगत मुद्रा सम्बन्धी कसुरमा थप अनुसन्धान पैक्रिया अगाडी बढाई अन्य संलग्न व्यक्तिहरुको पहिचान तथा खोजतलास गर्ने कार्य भइरहेको जनाएको छ । कानुनी व्यवस्था अनुसार सो कसुर अन्तरर्गत संलग्न व्यक्तिहरुलाई १० वर्षसम्म कैद र एक लाखसम्म जरिवाना हुन सक्ने कानुनी प्रावधान रहेको छ ।

एक प्रतिक्रिया on “चितवनमा ३ लाख नक्कली नोटसहित एक युवक पक्राउ

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका