जोडिनुहोस
दशैं को हार्दिक सुभकामना
  • होमपेज
  • नाराणगढमा आयो जम्बो इको भेइकल, २० रुपैयाँमा ८० किमी गुड्ने इलेक्ट्रिक स्कुटर सार्वजनिक

नाराणगढमा आयो जम्बो इको भेइकल, २० रुपैयाँमा ८० किमी गुड्ने इलेक्ट्रिक स्कुटर सार्वजनिक

चितवन, कार्तिक १–

चितवनको अटो बजारमा थप एक व्यवसाय संचालनमा आएको छ ।

नारायणगढको लायन्सचोकमा जम्बो इको भेइकल आज (शनिबार)देखि औपचारिक रुपमा शुभारम्भ भएको छ । जम्बो इको भेइकल शुभारम्भ भएसंगै चितवनको अटो बजारमा नयाँ इलेक्ट्रिक स्कुटर भित्रिएको छ । यस जम्बो इको भेइकलले यूरोपतिर धेरै प्रख्यात धेरै गुडेको Lvneng कम्पनीको इलेक्ट्रिक स्कुटर चितवनको बजारमा भित्र्याएको हो ।

यो स्कुटरको आफ्नो छुट्टै विशेषता रहेको छ । २० रुपैयाँमा ८० किलोमिटर गुड्न पाउने यसको मुख्य विशेषता रहेको छ । एकपटक चार्ज गर्दा ८० किलोमिटर सम्म यस स्कुटरबाट यात्रा गर्न सकिन्छ । एकपटक चार्ज गर्न २ युनिट विद्युत खपत हुने छ । व्याट्री चार्ज गर्न २ देखि ३ घण्टासम्म लाग्ने छ ।

यसको मोटर र ब्याट्रीमा २ वर्षको वारेन्टीको सुविधा रहेको छ । सामसुङको व्याट्री 7 series र मोटरको Bosch को कम्पनीद्धारा निर्मित यस स्कुटी खरिदका लागि फाइनान्सको समेत सुविधा रहेको कम्पनीले जनाएको छ ।

चितवनको बजारमा भर्खर मात्रै भित्रिएकोले विस्तारै ग्राहकको आकर्षण बढ्दै गइरहेको जम्बो इको भेइकलका प्रवन्ध निर्देशक बिकलराज शर्माले जानकारी दिनुभयो । उहाँले भन्नुभयो–‘सरकारको प्राथमिकता अनुसार नै इलेक्ट्रिक स्कुटर भित्र्याएका छौं, यसले धेरै ग्राहकलाई सहज बनाउने छ ।’

यस स्कुटर २ वटा मोडलको रहेको छ । जसको मूल्य २ लाख ६० हजार र ३ लाख रुपैयाँ रहेको छ । फाइनान्सको समेत सुविधा रहेकाले ग्राहकलाई खरिद गर्न सहज प्रवन्ध निर्देशक शर्माले बताउनुभयो । अटो क्षेत्रमा चितवनको बजारले महत्वपूर्ण हिस्सा ओगटेको छ । यस इलेक्ट्रिक स्कुटरले पनि ग्राहकको मन जित्ने विश्वास गरिएको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका