जोडिनुहोस
  • होमपेज
  • चितवन मेडिकल कलेजले सबै कर्मचारीको निःशुल्क पिसिआर गर्ने

चितवन मेडिकल कलेजले सबै कर्मचारीको निःशुल्क पिसिआर गर्ने

चितवन,भदौं १६-

चितवन मेडिकल कलेज (सिएमसी) ले सबै कर्मचारीहरुको निःशुल्क पिसिआर परिक्षण गर्ने भएको छ । आज एक सूचना जारी गर्दै कलेजले नागरिकको उपचारमा दिनरात खटिएका कर्मचारीमा कोभिड पोजेटिभ हुनसक्ने खतरालाई मध्यनजर गर्दै सबै कर्मचारीको निःशुल्क परीक्षणको व्यवस्था गर्न लागेको जनाएको छ ।

कलेजका प्रवन्ध निर्देशक डा.हरिशचन्द्र न्यौपानेले यदि कसैलाई कोरोना पोजेटिभ भइहाले परिवार र समाजमा सर्न नदिन सबैको पिसिआर परिक्षण गर्न लागेको जानकारी दिनुभयो । उहाँले कोभिड १९ को जोखिममा रहेर काम गरिरहेका स्वास्थ्यकर्मीलाई अस्पतालले अतिरिक्त भत्ताको व्यवस्था समेत गरेको बताउनुभयो ।

पिसिआर गर्नका लागि कर्मचारीलाई अस्पताल प्रशासनमा सम्पर्क गर्न समेत अनुरोध गरिएको छ । सिएमसीले स्वास्थ्यकर्मी र कर्मचारीका लागि क्वारेन्टिन र आइसोलेसनको समेत व्यवस्था गरेको छ । कलेजमा १५ सय ७० जना स्वास्थ्यकर्मी र कर्मचारी छन ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका