जोडिनुहोस
  • होमपेज
  • आज एकैदिन चितवनका ७३ जनामा कोरोना संक्रमण, रत्ननगरका ३७ संक्रमित खाद्य उद्योगका

आज एकैदिन चितवनका ७३ जनामा कोरोना संक्रमण, रत्ननगरका ३७ संक्रमित खाद्य उद्योगका

चितवन, भदौं १३–

चितवनमा आज (शनिबार) एकैदिन चितवनका ७३ जनामा कोरोना भाइरस (कोभिड–१९) संक्रमण पुष्टि भएको छ ।

चितवन मेडिकल कलेजमा गरिएको परीक्षणमा ६१ जना र काभ्रेको धुलिखेल प्रयोगशालामा गरिएको परीक्षणमा १२ जना गरी ७३ जनामा कोरोना संक्रमण पुष्टि भएको हो ।

चितवन मेडिकल कलेजको कोभिड ल्याबमा गरिएको परीक्षणमा शनिबार अपरान्ह ६१ जनामा कोरोना भाइरस कोभिड–१९ संक्रमण पुष्टि भएको हो ।

चितवनका संक्रमित मध्ये सबैभन्दा धेरै रत्ननगर नगरपालिकाका ३८ जना रहेका छन् । ती मध्ये रत्ननगर–४ का एकै वडाका ३७ जना रहेका छन् । संक्रमण पुष्टि हुनेमा रत्ननगर–४ का ३५ पुरुष र २ जना महिलामा रहेका छन् । संक्रमित पुरुषहरु १७ देखि ५९ वर्ष उमेर समूहका छन् । यस्तै वडा नं.१० का २९ वर्षीय एक पुरुषमा समेत संक्रमण पुष्टि भएको छ ।

केहीदिन अघि रत्ननगर–४ मा रहेको शिवशक्ति खाद्य उद्योगमा कार्यररत १० जनामा संक्रमण पुष्टि भएको थियो । सोही उद्योगबाट थप ८० जनाको परीक्षण गर्दा ३७ जनाको रिपोर्ट पोजिटिभ आएको रत्ननगर नगरपालिकाका स्वास्थ्य शाखा प्रमुख माधव पौडेलले नारायणी अनलाइनलाई जानकारी दिनुभयो । ती मध्ये ७ जनाको पुनः परीक्षणमा पनि नतिजा पोजिटिभ आएको उहाँले बताउनुभयो । ती सबैलाई सोही उद्योगमा आइसोलेसन बनाएर राखिने उहाँले जानकारी दिनुभयो । एकै ठाउँका धेरै संक्रमित भएकाले सोही ठाउँमा राख्न लागिएको हो ।

यसैगरि भरतपुर महानगरपालिकाका २२ जनामा संक्रमण पुष्टि भएको छ । सबैभन्दा धेरै भरतपुर–४ का मात्रै १५ जना रहेका छन् । यस्तै भरतपुर–१० का दुई जना, भरतपुर–२, ६, १४, १९ र १८ का एक÷एक जना रहेका छन् । यसैगरि राप्ती नगरपालिका–८ जनामा संक्रमण पुष्टि भएको अस्पतालले जनाएको छ । त्यस्तै चितवन बाहिरका पूर्वी नवलपरासी गैंडाकोट–१० का एक जना, तनहुँ भानुका १, रुपन्देही र पाल्पाका एक/एक जनामा संक्रमण पुष्टि भएको छ ।

यसैगरि शनिबार दिउँसो खैरहनी नगरपालिकाका १२ जनामा संक्रमण पुष्टि भएको छ । धुलिखेल परीक्षण प्रयोगशालामा गरिएको परीक्षणमा खैरहनी–१२ का तीन जना पुरुष, खैरहनी–३ का दुई पुरुष र एक महिलागरि तीन जना, वडा नंं. ४ का २ जना पुरुष, वडा नं.९ का एक महिला र एक पुरुष, वडा नं.१० का एक पुरुष र वडा नं.१३ का एक महिला रहेका छन् ।

यस्तै भरतपुर अस्पताल कोभिड–१९ परीक्षण प्रयोगशालामा शुक्रबार राति गरिएको परीक्षणमा चितवनका १५ जनामा संक्रमण पुष्टि भएको छ । जसमध्ये १४ जना भरतपुरका र एक जना रत्ननगरका छन् ।

यससंगै चितवनमा कोरोना भाइरस (कोभिड–१९) का संक्रमितको संख्या छ सय नजिक पुगेको छ ।

शनिबार साँझसम्म कुल संक्रमितको संख्या ५ सय ९७ पुगेको छ । सबैभन्दा धेरै भरतपुर महानगरपालिकामा संक्रमित भएका छन् भने इच्छाकामनामा सबैभन्दा कम छन् । भरतपुर महानगरपालिकामा ३४१, खैरहनी नगरपालिकामा ४१, माडी नगरपालिकामा ५०, रत्ननगरमा नगरपालिकामा ८१, राप्ती नगरपालिकामा ७६, कालिका नगरपालिकामा ५ र इच्छाकामना गाउँपालिकामा ३ जना संक्रमित रहेका छन् ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका