जोडिनुहोस
दशैं को हार्दिक सुभकामना
  • होमपेज
  • चितवनमा बढ्दै कोरोना संक्रमण, संक्रमितको संख्या २८० पुग्यो

चितवनमा बढ्दै कोरोना संक्रमण, संक्रमितको संख्या २८० पुग्यो

चितवन, भदौं ३–

चितवनमा पछिल्ला केही सातायता कोरोना भाइरस (कोभिड–१९) संक्रमितको संख्या निरन्तर बढ्दै गइरहेको छ । साउन २१ गते यता हरेक दिन चितवनमा कोरोना संक्रमित थपिदै गएका छन् । आज (बुधबार) अपरान्हसम्मको तथ्यांक अनुसार चितवनमा हाल संक्रमितको संख्या २८० पुगेको छ ।

भरतपुर अस्पतालका सूचना लिलाधर पौडेलका अनुसार हाल १६५ जना सक्रिय संक्रमित हुन् । अन्य ११३ जना संक्रमित निको भएर घर फर्किसकेका छन् । चितवनमा सबैभन्दा बढी संक्रमित भरतपुर महानगरपालिकामा रहेका छन् । जिल्ला सदरमुकाम हुनुको साथै मेडिकल सिटी समेत भएकाले भरतपुरमा संक्रमित बढी फेला परेका छन् । भरतपुर महानगरपालिका भित्र हाल १४८ जना कोरोना संक्रमित रहेका छन् । यस्तै राप्ती नगरपालिकामा ६२, माडी नगरपालिकामा ४१, खैरहनी नगरपालिकामा १२, रत्ननगर नगरपालिकामा ११, कालिका नगरपालिकामा ५ र इच्छाकामना गाउँपालिकामा एक जना कोरोना संक्रमित रहेको सूचना अधिकारी पौडेलले जानकारी दिए ।

चितवनमा हाल सक्रिय संक्रमित रहेका १६५ जना मध्ये ४२ जना संक्रमित होम आइसोलेसनमा रहेका छन् । ५४ जना भरतपुर अस्पतालमा उपचाररत छन् भने पुरानो मेडिकल कलेजमा एक, क्यान्सर अस्पताल भरतपुरमा पाँच जना, नारायणी सामुदायिक हस्पिटलमा पाँच जना, भरतपुर सेन्ट्रल हस्पिटलमा पाँच जना, श्रीपुष्पाञ्जली हस्पिटलमा एक जना र चितवन मेडिकल कलेजमा चार जना र ४८ जना संस्थागत आइसोलेसनमा रहेको सूचना अधिकारी पौडेलले जानकारी दिए ।

चितवनमा स्वास्थ्यकर्मीहरु पनि धेरै संक्रमित भएका छन् । हालसम्म जिल्लामा ३० जना चिकित्सक तथा स्वास्थ्यकर्मीहरु संक्रमित भएका छन् । चितवनमा पछिल्लोपटक २० जनामा कोरोना संक्रमण पुष्टि भएको छ । मंगलबार राति गरिएको परीक्षणमा चितवनका २० जनासहित ३० जनामा संक्रमण पुष्टि भएको हो ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका