जोडिनुहोस
alt
  • होमपेज
  • खैरहनीका बैंकमा मेयर चौधरीको छड्के अनुगमन

खैरहनीका बैंकमा मेयर चौधरीको छड्के अनुगमन

चितवन, साउन ३१–

कोरोना संक्रमणको जोखिम बढीरहेका बेला खैरहनी नगरपालिकाका प्रमुख लालमणि चौधरीले नगरभित्रका बैंकहरुले स्वास्थ्य सुरक्षाका उपाय अपनाए÷नअपनाएको बारेमा छड्के अनुगमन सुरु गरेका छन् ।

बैंकका कर्मचारीसंगै सेवा लिन आएकाहरुको स्वास्थ्य अवस्थालाई मध्यनजर गर्दै सुरक्षा व्यवस्थाका बारे संवेदनसिल हुनुपर्ने भएकाले अनुगमन गरिएको नगर प्रमुख चौधरीले बताउनुभयो । कर्मचारी र सेवाग्राही पनि स्वास्थ्य सुरक्षामा चनाखो हुनु पर्ने उहाँको भनाइ थियो । उहाँले बिहीबार कृषि बिकास बैंक, नेपाल इन्भेस्टमेन्ट बैंक लगायतको अनुगमन गर्दै सचेत गराउनु भएको छ ।

खैरहनीमा दुई दर्जन बढी बैंकहरु रहेका छन् । बैंकहरुमा सेवाग्राहीको भिड हुने भएकाले मास्क, स्यानिटाइजर प्रयोग र सामाजिक दुरी कायम गरि सेवा लिन र दिन नगर प्रमुख चौधरीले आग्रह गर्नुभयो । स्वास्थ्य जस्तो संवेदनसिल कुरामा सरकारको मात्र मुख नताकी स्वंयम् व्यक्ति पनि सचेत हुनुपर्ने उहाँको भनाइ थियो ।

अनुगमनका क्रममा बैंकहरुले ब्यबस्थापनमा अझ बढी ध्यान दिनु पर्ने देखिएको उहाँले बताउनुभयो । ‘सुरक्षा सावधानी अझै पुगेको छैन, यसमा विशेष ज्ञान दिएर मात्रै सेवा दिन आवश्यक छ’–नगर प्रमुख चौधरीले भन्नुभयो ।

बैंकका प्रबन्धकहरुले कोरोनाको संकट भए पनि आवश्यक स्वास्थ्य सुरक्षा अपनाएर सेवा प्रवाह गरिरहेको बताएका थिए ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका