जोडिनुहोस
शुक्रबार, फाल्गुन १४, २०७७
शुक्रबार, फाल्गुन १४, २०७७
  • होमपेज
  • आफन्तले मृत्यु भएको भनेका युवकलाई चितवन मेडिकल कलेजले बचायो

आफन्तले मृत्यु भएको भनेका युवकलाई चितवन मेडिकल कलेजले बचायो

चितवन, असार २३–

गत जेठ २९ गते चितवन मेडिकल कलेजमा उपचाररत एक बिरामीको मृत्यु भएको भन्दै एक समूहले अस्पतालमा तोडफोड गर्‍यो । दिउँसो ३ बजेको समयमा उपचारकै क्रममा रहेका बिरामीको मृत्यु भएको हल्ला फैलाएर अस्पतालमा तोडफोड हुँदा अस्पताल केहीबेर अशान्त बन्यो । अस्पतालले तत्कालै विज्ञप्ती जारी गर्दै बिरामीको मृत्यु नभएको र उपचारकै क्रममा रहेको उल्लेख गरेको थियो । अन्ततः ती उपचाररत बिरामी भरतपुर महानगरपालिका वडा नं.२२ का १८ वर्षीय आशिष वि.क.पूर्णरुपमा निको भएर आज (मंगलबार) डिस्चार्ज भएका छन् ।

डिस्चार्ज पश्चात बोल्दै आशिषले भने–‘चितवन मेडिकल कलेजले मलाई राम्रो उपचार दिएर नया“ जीवन दियो, म अस्पतालप्रति आभारी छु ।’ उनले थपे–‘अस्पताल आउँदा म अचेत थिए, अहिले घर जान पाउँदा खुशी छु ।’

गत जेठ २७ गते ज्वरो, पेट दुखाईका कारण उनलाई सिएमसीमा भर्ना गरिएको थियो । ‘सेप्टेसीमिया’ भएको कारण शल्यक्रिया गर्नुपर्ने भएकाले अस्पतालले बिरामीको आफन्तको लिखित स्वीकृति लिई विशेषज्ञ शल्यचिकित्सकले आकस्मिक शल्यक्रिया गरेका थिए । सो क्रममा संक्रमण भएर कुहिएको अवस्था देखिएपछि चिकित्सकले आफन्तहरुलाई थप जानकारी गराएको थियो । तर भोलि पल्ट पनि ज्वरो आउने र युएजी गर्दा पेटको भित्रि भागमा रगत जमेको र संक्रमण भएको देखिएको थियो ।

त्यसपश्चात पनि आफन्तको पुनः स्वीकृति लिई जेठ २९ गते शल्यक्रिया गरी पेट खोलेर सफा गरी सघन कक्ष (आइसीयू)मा भेन्टिलेटरमा राखेर उपचार गरिएको थियो । सोही अवस्था देखेपछि एक समूहले अस्पतालमा बिरामीको मृत्यु भएको भनि हल्ला फैलाएर तोडफोड गरेको थियो । सो क्रममा अस्पतालका कर्मचारी माथि समेत हातपात भएको थियो । अस्पतालले आशिषलाई पूर्ण निको बनाएर घर पठाउन पाएको खुशी व्यक्त गरेको छ ।

एक प्रतिक्रिया on “आफन्तले मृत्यु भएको भनेका युवकलाई चितवन मेडिकल कलेजले बचायो

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका