जोडिनुहोस
  • होमपेज
  • गण्डकी प्रदेशमा आज बिहानै थपिए ३२ नयाँ कोरोना संक्रमित

गण्डकी प्रदेशमा आज बिहानै थपिए ३२ नयाँ कोरोना संक्रमित

पोखरा, असार १०–

गण्डकी प्रदेशमा आज (बुधबार) विहानै ३२ जनामा कोरोना भाइरस (कोभिड–१९) संक्रमण पुष्टि भएको छ ।

विभिन्न स्थानमा गरिएको परीक्षणमा गण्डकी प्रदेशका ८ जनामा नयाँ संक्रमण पुष्टि भएको हो । स्वास्थ्य निर्देशनालय गण्डकी प्रदेशका अनुसार बाग्लुङमा ९, स्याङजामा ७, लमजुङमा ५, कास्कीमा ५, नवलपरासी (बर्दघाट सुस्ता पूर्व)मा ३, पर्वत, गोरखा, र तनहुँमा एक÷एक जनामा कोरोना संक्रमण पुष्टि भएको गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता एवंम निर्देशनालयका निर्देशक डा.विनोद विन्दु शर्माले जानकारी दिए ।

प्रदेश क्षयरोग केन्द्र पोखरामा गरिएको परीक्षणमा बाग्लुङको बरेङ गाउँपालिकाको १९ देखि ६० वर्षसम्मका ८ जना पुरुष र जैमिनी गाउँपालिकाको २० वर्षीय पुरुषमा गरी ९ जनामा कोरोना संक्रमण पुष्टि भएको छ । यस्तै स्याङजाको वालिङ नगरपालिकाका ३० महिने बालिकासहित २ महिला र ३ पुरुषमा संक्रमण पुष्टि भएको छ । त्यस्तै आँधीखोला गाउँपालिकाका ६५ वर्षीय पुरुष र अर्जुनचौपारी गाउँपालिकाका १२ वर्षीय बालकमा गरी कुल ७ जनामा कोरोना संक्रमण पुष्टि भएको छ ।

यस्तै कास्कीको पोखरा महानगरपालिकाका २५ वर्षीय पुरुष, २३, ४० वर्षीया महिलामा र मादी गाउँपालिकाका ४१ वर्षीय पुरुष र ४० वर्षीया महिलामा गरी पाँच जनामा कोरोना संक्रमण पुष्टि भएको छ ।

त्यसैगरि लमजुङको मध्य नेपाल नगरपालिकाका २१ देखि ३७ वर्ष उमेर समूहका चार जना पुरुष र बेशिशहर नगरपालिकाका ३३ वर्षीय पुरुषमा गरी पाँच जनामा कोरोना संक्रमण पुष्टि भएको छ ।

यस्तै नवलपरासी (बर्दघाट सुस्ता पूर्व)का गैंडाकोट नगरपालिका–१ बस्ने ३३ र ५१ वर्षीया दुई महिला र गैंडाकोट नगरपालिका–१२ बस्ने ५६ वर्षीया महिलामा गरी कुल तीन जनामा कोरोना संक्रमण पुष्टि भएको छ ।

यसैगरि पर्वतको कुश्मा नगरपालिकाकी २४ वर्षीया महिला, गोरखाको गण्डकी गाउँपालिकाका ४२ वर्षीय पुरुष, तनहुँको देवघाट गाउँपालिकाका २३ वर्षीय पुरुषमा कोरोना संक्रमण पुष्टि भएको निर्देशनालयले जनाएको छ । आज ३२ जना नयाँ संक्रमित थपिएसंगै गण्डकी प्रदेशमा कोरोना संक्रमितको संख्या ७२९ पुगेको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका