जोडिनुहोस
बिहिबार, कार्तिक ११, २०७८
बिहिबार, कार्तिक ११, २०७८
alt
  • होमपेज
  • गणेशस्थानमा ४५ मिटर अग्लो कैलाश पर्वत बन्ने

गणेशस्थानमा ४५ मिटर अग्लो कैलाश पर्वत बन्ने

चितवन, वैशाख ३१–

भरतपुर महानगरपालिका वडा नम्बर–११, स्थित गणेशस्थान मन्दिर क्षेत्रमा ४५ मिटर अग्लो कैलाश पर्वत निर्माण गरिने भएको छ ।

निकै महत्वका साथ हेरिएको यस कैलाश पर्वत देशकै आकर्षक धार्मिक पर्यटकीय क्षेत्र हुने विश्वास गरिएको छ । सो कैलाश पर्वतको मंगलबार एक कार्यक्रमका बीच चितवनका प्रदेश सभा सदस्य विजय सुवेदीले शिलन्यास गरेका छन् । ऐतिहासिक महत्वको गणेशस्थान क्षेत्रलाई धाम बनाउँदा धार्मिक क्रियाकलाप मात्र नभइ जिल्लाकै पर्यटकीय स्थल बन्ने सुवेदीको भनाई रहेको छ । यस कैलाश पर्वत वरपर नेपालको पूर्व मेचीदेखि पश्चिम महाकालीसम्म पाईने विभिन्न वनस्पतीहरु हुर्काइदै छ । कैलाश पर्वतको माथिल्लो भागमा हिमाली क्षेत्रमा पाईने वनस्पती, बीच भागमा पहाडमा पाईने वनस्पती र तल्लो भुभागलाई समथर तराईमा पाईने वनस्पतीहरु निर्माण गरिने मंगलबार आयोजित शिलन्यास कार्यक्रममा बतार्ईएको छ ।

विस्तार हुने क्षेत्रमध्ये २५ बिघामा तलाउ बनाइने योजना रहेको प्रदेशसभा सदस्य सुवेदीले बताए । पुंगी खोलाको पानी ड्याम बाँधेर पनि तलाउ निर्माण गरिएको उनले बताए । तलाउ वरपर हिँड्न र साइकल चलाउन मिल्ने बाटो बनाइने उनको भनाई रहेको छ ।

अहिले २.४३ हेक्टर क्षेत्रफलमा रहेको मन्दिर क्षेत्रलाई विकास गरी थप ३० हेक्टर क्षेत्रफलमा विस्तार गरेर पूर्वाधार निर्माण थालिएको गणेशस्थान संरक्षण सम्वद्र्धन समितिका अध्यक्ष दिनेश कुमार चुकेले बताए । जसमा अहिले तलाउ सरसफाईको काम गरिएको छ भने तलाउमा बोट ल्याएर परिक्षणको रुपमा चलाउने काम समेत गरिएको अध्यक्ष चुकेले बताए । त्यसैगरी १८ फिट अग्लो गणेशको मुक्ति निर्माण अन्तिम चरणमा पुगेको छ ।

गणेशस्थान क्षेत्रलाई गणेशस्थान संरक्षण सम्वद्र्धन समितिले बिकास गरेर मन्दिर क्षेत्रलाई धाम बनाउन काम गरिरहेको छ । प्रारम्भिक अध्ययन अनुसार ८० करोड रुपैयाँ लागतमा गणेशधाम तयार गरिन लागेको समितिका महासचिव रविन्द्र बरालले जानकारी दिए । चार वर्षभित्रमा काम सक्ने गरी काम भैरहेको महासचिव बरालको भनाई छ । यस क्षेत्रमा जल विनायक, शिव–पार्वती, कुमारको मूर्ति समेत बनाउने गरी डिपिआर निर्माण भई अहिले काम भैरहेको उनले जानकारी दिए ।

यसैगरी धाम क्षेत्रमा व्यवस्थित पार्किङ, पिकनिक स्पट, बोटानिकल गार्डेन, धर्मशालालगायत निर्माण गरिने उनको भनाइ छ । महानगरपालिका क्षेत्रमा रहेका ऐतिहासिक तथा धार्मिक स्थलमध्ये एक गणेशस्थानमा रहेको पौराणिक इनार पाल्पाका राजा मणिमुकुन्द सेनको पालामा बनेको विश्वास गरिन्छ । वि.सं २०१४ मा रूखमुनि फेला पारिएको गणेशको अर्धकद मूर्ति स्थापना गरेर मन्दिर निर्माण गरिएको बताइन्छ । मन्दिर परिसरमा सरस्वती, मनकामना, सन्तोषी, विश्वकर्मा लगायतका मन्दिर रहेका छन् ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका