चितवन विशेष

अनेरास्ववियू चितवनको समन्वयमा उवासंघमा विद्यार्थीलाई राहत वितरण

Banner

चितवन,बैशाख १-

अनेरास्ववियू चितवनको समन्वयमा उद्योग वाणिज्य संघ चितवनले विद्यार्थीलाई राहत वितरण गरेको छ । विश्वव्यापी रुपमा फैलिएको कोरोना भाइरस (कोभिड १९) को प्रकोप रोक्न सरकारले गरेको लकडाउन प्रभावित चितवनका विद्यार्थीलाई राहत वितरण गरिएको हो ।

देशका विभिन्न जिल्लाबाट चितवन आएर कोठा भाडामा लिई बसोबास गरेर अध्ययन गरिरहेका र समस्यामा परेका विद्यार्थीलाई राहत वितरण गरिएको अनेरास्ववियू चितवनका संयोजक प्रकाश आचार्यले जानकारी दिए । उनले विभिन्न क्याम्पस कमिटिलाई परिचालन गरी विद्यार्थीको तथ्याङक संकलन गरी समस्यामा परेका विद्यार्थीको पहिचान गरेर राहत वितरण गरिएको बताए ।

आज (विहिवार) ८५ जना विद्यार्थीलाई प्रति विद्यार्थी जिरा मसिनो चामल ७ केजी,तेल १ पोका,प्याज १ केजी र आलु २ केजीका दरले वितरण गरिएको आचार्यले जानकारी दिए ।

राहत वितरण उद्योग वाणिज्य संघ चितवनको परिसरमा संघका पदाधिकारी र अनेरास्ववियूका संयोजक प्रकाश आचार्यको उपस्थितिमा गरिएको थियो । यसअघि पनि स्थानिय तहल राहत वितरण गर्दा प्रत्यक वडामा समन्वय गरेर विद्यार्थीलाई रहात वितरण गरिएको अनेरास्ववियूले जनाएको छ । अनेरास्ववियूकै पहलमा केही विद्यार्थीलाई घर पठाइएको र केही विद्यार्थीको घरभाड समेत छुट गराइएको छ ।

तपाइको प्रतिक्रिया दिनुहोस्

Leave a Reply

Your email address will not be published. Required fields are marked *

>