जोडिनुहोस
शुक्रबार, फाल्गुन १४, २०७७
शुक्रबार, फाल्गुन १४, २०७७
  • होमपेज
  • थलिए उत्तर कोरियाका नेता किम, अमेरिकाले बढायो निगरानी

थलिए उत्तर कोरियाका नेता किम, अमेरिकाले बढायो निगरानी

सिउल, वैशाख ९–

दक्षिण कोरियाले छिमेकी उत्तर कोरियाका नेता किम जोन उनको स्वास्थ्य अवस्था नाजुक भएपछि नजिकबाट घटना नियालिरहेको दाबी अमेरिकी समाचार संस्था सिएनएनले गरेको छ ।

नेता किम जोङ उनको स्वास्थ्य गम्भीर खतरामा परेको सूचना पाएपछि अमेरिकाले निगरानी गरिरहेको एक अमेरिकी अधिकारीले सीएनएनलाई जानकारी दिएका छन् ।

अचानक गर्नु परेको शल्यक्रियाका कारण उनको स्वास्थ्य बिग्रिएको दाबी दक्षिण कोरियाका अधिकारी र अमेरिकी गुप्तचर अधिकारीलाई उदृत गर्दै सिएनएनले गरेको छ ।

दुई कोरियाको मामिला हेर्ने युनिफिकेसन मन्त्रालयले सिएनएनले प्रकाशित गरेको समाचारबारे कुनै प्रतिक्रिया जनाएको छैन । केही सन्चार माध्यमले उत्तर कोरियाको राजधानी प्योङयाङमा किम जोन उनको मुटुको शल्यक्रिया भएको र उनको स्वास्थ्य अवस्था सुधारोन्मुख रहेको उल्लेख गरेका छन् ।

उत्तर कोरियाका संस्थापक नेता किम सङको नाममा अप्रिल १५ तारिखमा मनाइने विदामा किम जोन उन अनुपस्थित भएपछि उनको स्वास्थ्य अवस्थालाई लिएर आशंका सुरु भएको थियो । किम सङ, किम जोन उनका हजुरबुबा हुन् । अप्रिल १५ तारिख उत्तर कोरियामा विषेश दिन मानिन्छ ।

उत्तर कोरियामा मिडियामाथि सरकारको नियन्त्रण रहेका कारण त्यहाँका गतिविधिहरु फिल्टर भएर मात्र बाहिर आउँछन् । दक्षिण कोरियाका गुप्तचर निकायको हवला दिँदै मिडियाले समाचार लेख्ने गरेका छन् ।

किम सार्वजनिकरुपमा नदेखिने वित्तिकै उनको स्वास्थ्य बिग्रिएको भनेर समाचार प्रकाशित हुने गरेको छ । यसअघि सन् २०१४ मा किम जोन उन ६ साता बाहिर नदेखिँदा पनि उनको स्वास्थ्य विग्रिएको भनेर समाचार बाहिर आएको थियो । त्यतिबेला दक्षिण कोरियाका गुप्तचर निकायले किमको गोलिगाँठामा समस्या भएको दाबी गरेका थिए ।

सीएनएनलाई अर्का अमेरिकी अधिकारीले किमको स्वास्थ्यका विषयमा उठेका चिन्ता विश्वसनीय भएको तर उनी कति गम्भीर रूपमा अस्वस्थ छन् भन्ने कुरा थाहा पाउन गाह्रो परेको बताए ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका