जोडिनुहोस
  • होमपेज
  • चितवनमा र्‍यापिट टेष्टमा एक जनामा कोरोना पोजिटिभ, स्वाब परीक्षणका लागि भरतपुरमा

चितवनमा र्‍यापिट टेष्टमा एक जनामा कोरोना पोजिटिभ, स्वाब परीक्षणका लागि भरतपुरमा

चितवन, वैशाख ३–

चितवनमा र्‍यापिड डाइग्नोस्टिक टेस्ट (आरडिटी) परीक्षणको क्रममा एक जनामा कोरोना भाइरस (कोभिड–१९) पोजिटिभ देखिएको छ । पूर्वी चितवनको रत्ननगरस्थित गुञ्जमान सिंह हस्पिटलमा आज (बुधबार) गरिएको र्‍यापिड टेस्ट परीक्षणमा एक जनामा कोरोना पोजिटिभ देखिएको अस्पतालका प्रशासक मोहन खड्काले नारायणी अनलाइनलाई जानकारी दिए ।

उनले र्‍यापिड टेस्टमा पोजिटिभ देखिए लगत्तै ती पुरुषलाई अस्पतालकै आइसोलेसनमा राखिएको जानकारी दिए । उनका अनुसार ती पुरुष फागुन ३० गते कोरियाबाट आएको हुन् । उनमा कुनै लक्षण देखिएको छैन । थप परीक्षणका लागि ती युवाको थ्रोट स्वाब संकलन गरी भरतपुर कोभिड–१९ परीक्षण प्रयोगशाला पठाइएको खड्काले नारायणी अनलाइनलाई जानकारी दिए ।

खड्का अनुसार आज ३९ जनाको र्‍यापिड टेष्ट गरिएको छ भने ३ जनाको स्वाब संकलन गरिएको छ । यस्तै हिजो मंगलबार १८ जनाको र्‍यापिड टेस्ट र ४ जनाको स्वाब मार्फत कोरोना परीक्षण गरिएकोमा सबैको रिपोर्ट नेगेटिभ आएको थियो ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका