Breaking News

प्रतिबन्ध खुकुलो पार्ने निर्णयहरु घातक हुन सक्ने डब्लूएचओको चेतावनी

Banner

काठमाडौं, चैत २९–

विश्व स्वास्थ्य संगठन (डब्लूएओ) ले कोरोना भाइरसको संक्रमण कम हुन थालेका देशहरुले धमाधम प्रतिबन्धहरु हटाउने तथा खुकुलो बनाइरहँदा उक्त निर्णयहरु घातक हुन सक्ने चेतावनी दिएको छ ।

कोरोना भाइरसको महामारी पूर्णरुपमा नियन्त्रणमा नआउँदै खुकुलो पारिएका प्रतिबन्धले महामारीको पुनरावृत्ति अझ भयानक भएर आउन सक्ने चेतावनी दिएको हो ।

जेनेभामा आयोजित भर्चुअल पत्रकार सम्मेलनमा डब्ल्यूएचओका महानिर्देशक डा‍. टेडरोज आध्यनोम गेब्रेयेसोसले प्रतिबन्धका कारण आर्थिक समस्या वा संकट आउने भए पनि त्यसले मानव जीवनको रक्षा गरिरहेकाले फुकुवाका लागि हतारो नगर्न आग्रह गरेका छन् ।

स्पेन र इटालीमा निर्माण तथा औद्योगिक उत्पादन क्षेत्रका केही कामहरु सोमबारदेखि सञ्चालन गर्ने तयारी छ । कामदारहरुलाई यी क्षेत्रमा जान दिने तयारी थालिएको छ ।

‘प्रतिबन्ध हतारमा फुकुवा गर्दा संक्रमण पहिलेभन्दा घातक बनेर पुनः फैलिने जोखिम हुन्छ,’ गेब्रेयेसोस भने ‘यदि राम्रोसँग व्यवस्थापन गरिएन भने घट्दो क्रमको संक्रमण झन् जोखिमपूर्ण हुन्छ ।’

युरोपमा सबै भन्दाबढी प्रभावित भएका स्पेन र इटालीमा केही प्रतिबन्धहरु खुकुलो पारिएको छ र त्यहाँ लकडाउन भने लागु छ ।

तपाइको प्रतिक्रिया दिनुहोस्

Leave a Reply

Your email address will not be published. Required fields are marked *

>