Breaking News

कोरोनाका बिरामीका लागि भरतपुर अस्पतालमा आइसियू तयार, उपचारका लागि पूर्णरुपमा तयार छौंः मेसु (भिडियोसहित)

Banner

चितवन, चैत १९–

नेपालमा कोरोना भाइरस (कोभिड–१९) को संक्रमण नदेखिदै पाँच बेडको आइसोलेसन तयार पारेको भरतपुर अस्पतालले थप उपचारमा कठिनाइ नहोस् भन्नका लागि आफ्नो तयारी बढाउँदै गएको छ ।

कोरोना संक्रमणको बिरामी चितवनमा देखिएकोमा खण्डमा अस्पतालले स्तरीय सघन कक्ष (आइसियू) तयार पारेको छ । बिरामीको संवेदनशीलतालाई ध्यानमा राखेर अस्पतालले १० बेडको आइसियू कक्ष संचालनमा ल्याएको हो । अस्पतालमा हाल ३० बेडको आइसोलेसन वार्ड मात्रै थियो । तर संक्रमित बिरामी आइहाले उपचारमा सहजताका लागि अस्पतालले नयाँ भवनको भुईतलामा सुविधासम्पन्न आइसियू संचालनमा ल्याएको हो । सो आइसियू कक्षमा सुरुवाती चरणमा तीन वटा भेन्टिलेटर समेत जडान गरिएको छ ।

सोही आइसियूका लागि संघीय सरकारसंग थप १० वटा भेन्टिलेटर माग गरिएको अस्पतालका मेडिकल सुपरिटेण्डेन्ट (मेसु) डा.श्रीराम तिवारीले जानकारी दिए । डा.तिवारीले नारायणी अनलाइनसंग भने–‘हामीसंग भएका तीन वटा भेन्टिलेटरसहितको आइसियू तयार पारेको छौं, संघीय सरकारसंग थप भेन्टिलेटर मागर गरेका छौं, चीनबाट आउने भेन्टिलेटर सहयोग गछा्रै भनेको छ ।’

अस्पतालले यसअघि सुरुवाती चरणमा ५ बेडको आइसोलेसन वार्ड बनाएको थियो । त्यसलाई बढाएर ३० बेडको पुर्‍याएको छ । तर त्यतिले मात्र प्रयाप्त नभएपछि संक्रमित बिरामीको अवस्थालाई मध्यनजर गर्दै छुट्टै आइसियू कक्ष निर्माण गरिएको अस्पतालले जानाएको छ । कोरोना संक्रमित बिरामीका लागि अस्पतालले छुट्टै चिकित्सकहरुको टिम समेत तयार पारेको छ । भरतपुर अस्पतालमा हालसम्म २० जनाको कोरोना भाइरस (कोभिड–१९) परीक्षण गरिएकोमा सबैमा रिपोर्ट नेगेटिभ आएको अस्पतालले जनाएको छ ।

कोरोना भाइरसको संक्रमण आशंका गरिएका बिरामी र संक्रमित पुष्टि भएका बिरामीका लागि भरतपुर अस्पतालले कसरी उपचारको प्रक्रिया अघि बढाएको छ ? हेर्नुहोस् मेसु डा.श्रीराम तिवारीसंग गरिएको कुराकानी ।

तपाइको प्रतिक्रिया दिनुहोस्

Leave a Reply

Your email address will not be published. Required fields are marked *

>