चितवन विशेष

कोरोना संक्रमित युवतीसंगै आएका चितवनका तीन जनाको कोरोना रिपोर्ट नेगेटिभ

Banner

चितवन, चैत १५–

कतार एयरवेजबाट आएकी कोराना सक्रमित युवतीसंगै आएका चितवनका तीन जनामा कोरोना भाइरस (कोभिड–१९) रिपोर्ट नेगेटिभ आएको छ । भरतपुर कोरोना विशेष अस्पतालले पठाएको नमुना आज टेक प्रयोगशालामा परीक्षण हुँदा दुवै जनाको रिपोर्ट नेगेटिभ आएको अस्पतालका प्रवक्ता डा.भोजराज अधिकारीले नारायणी अनलाइनलाई जानकारी दिए ।

कोरोना संक्रमित युवतीसंगै एउटै जहाजमा आएका भरतपुर महानगरपालिका–८ का भुवन कोइराला, उनकी श्रीमती सञ्जु कोइराला र भतपुरका सुरेश गुरुङको कोरोना परीक्षण रिपोर्ट नेगेटिभ आएको डा.अधिकारीले जानकारी दिए । चितवन प्रशासनको आग्रहमा उनीहरु कोरोना अस्पताल पुगेका थिए । यस्तै उनीहरुसंगै आएका अन्य दुई जनाको कोरोना परीक्षण रिपोर्ट आउन बाँकी रहेको अस्पतालका प्रवक्ता डा.अधिकारीले बताए ।

डा.अधिकारीका अनुसार यस अस्पतालबाट नमुना पठाइएका मध्ये अन्य पाँच जनाको रिपोर्ट समेत नेगेटिभ आएको छ । डा.अधिकारीले भने–‘११ जनाको नमुना परीक्षणका लागि काठमाडौं पठाएका थियौं, ती मध्ये ८ जनाको नेगेटिभ आएको छ, अन्य तीन जनाको आउन बाँकी छ ।’

तपाइको प्रतिक्रिया दिनुहोस्

Leave a Reply

Your email address will not be published. Required fields are marked *

>