कर्णाली

नेपालमा कोरोनाको प्रकोप नफैलियोस् भन्दै त्रिपुरासुन्दरीमा विशेषपूजा

Banner

डोल्पा,चैत १५-

विश्वभर फैलिरहेको कोरोना भाइरसको प्रकोप देशभर र जिल्लाभर नफैलियोस् भन्दै डोल्पाको त्रिपुरासुन्दरी मन्दिरमा महाकाली देवीको विशेष पूजाआजा गरिएको छ। त्रिपुरासुन्दरी नगरपालिका १ मा पर्ने त्रिपुराकोट गाउँका सम्पूर्ण महिलाहरुले अद्भुत शक्तिपीठको रुपमा परिचित त्रिपुरासुन्दरी मन्दिरमा महाकाली देवीको विशेष पूजाआजा गरेका हुन्।

स्थानीय धामीझाँक्री र पण्डितहरूले विश्वभर फैलिरहेको कोराना भाइरस रोगको प्रकोप कम गर्न महाकालीको पूजाआजा सँगै स्मरण गर्न सिकाएकाले विधिवत रुपमा महाकालीको पूजा गरी देशवासी र जिल्लावासी कुशलताको कामना गरिएको आमा समूह त्रिपुराकोटका अध्यक्ष भगवती न्यौपानेले बताइन्।

त्रिपुरासुन्दरी मन्दिर देवीहरूको पूर्णपीठ भएकाले देशमा अखट विखट आइपर्दा यसरी नै पूजा गर्ने गरेको र यसो गर्दा शान्ति कायम हुने रोगव्याधि हट्ने विश्वास रहेको न्यौपानेले बताइन्। संसारमा जुन घटना घट्छ सबै ईश्वरको अधीनमै हुने भएको बताउँदै भगवानको स्मरण गर्ने भक्तलाई परेका दुस्खकष्ट पनि सहजै हरण हुने र कोरोनाको प्रकोप जिल्लामा नफैलिने महिलाहरुको विश्वास छ।

तपाइको प्रतिक्रिया दिनुहोस्

Leave a Reply

Your email address will not be published. Required fields are marked *

>