Breaking News

चितवन प्रशासनलाई उच्च अदालतको आदेशः स्वास्थ्यकर्मी, कर्मचारीलाई सुरक्षा सामग्री उपलब्ध गराउ

Banner

चितवन, चैत १२–

उच्च अदालत पाटन हेटौंडा इजलाशले कोरोना भाइरस (कोभिड–१९) रोकथाम, नियन्त्रण तथा उपचारमा खटिने स्वास्थ्यकर्मी, सुरक्षाकर्मी र कर्मचारीहरुलाई आवश्यक सुरक्षा सामाग्री उपलब्ध गराउन चितवन प्रशासनसहित वागमती प्रदेश सरकारका नाममा अन्तरिम आदेश जारी गरेको छ ।

अधिबक्ता ध्रुबप्रसाद चौलागाईले दायर गरेको रिट निबेदनको सुनुवाई गर्दै उच्च अदालत पाटन हेटौँडा इजलाशले आज (बुधबार) प्रदेश सरकारका नाममा अन्तरिम आदेश जारी गरेको हो । न्यायधिश रामप्रसाद अधिकारीको इजलाशले कोरोना नियन्त्रणका लागि आवश्यक पर्ने सम्पूर्ण कार्यहरु अविलम्ब सुरु गर्न प्रदेश सरकारका नाममा अन्तरिम आदेश दिएको हो । यस्तै अदालतले विपक्षहरुलाई छलफलका लागि २०७६ चैत्र १९ गते बोलाएको छ । अधिबक्ता चौलागाईले दायर गरेको रिट निबेदनमा अधिबक्तहरु मनप्रसाद भट्टराइ, सञ्जीब प्रसाद पराजुली र बालकृष्ण अधिकारीले बहस गरेका थिए ।

वागमती प्रदेशका मुख्यमन्त्री एवम् मन्त्रीपरिषदको कार्यालय, बागमती प्रदेशको सामाजिक विकास मन्त्रालय, बागमती प्रदेशकै आन्तरिक मामीला तथा कानून मन्त्रालय, जिल्ला प्रशासन कार्यालय मकवानपुर र जिल्ला प्रशासन कार्यालय चितवनलाई विपक्षी बनाइ २०७६ चैत्र १० गते रिट निबेदन दर्ता गरिएको थियो ।

अदालतले आदेश जारी गर्नु नपर्ने कारण भए मन्त्रालयहरुका हकमा मुख्य न्यायधिबक्ताको कार्यालय मार्फत र जिल्ला प्रशासन कार्यालयहरुलाई सरकारी वकील कार्यालय मार्फत १५ दिन भित्र लिखित जवाफ पेश गर्न आदेश दिएको छ ।

तपाइको प्रतिक्रिया दिनुहोस्

Leave a Reply

Your email address will not be published. Required fields are marked *

>