जोडिनुहोस
  • होमपेज
  • कुन रङको गुलाबले के अर्थ राख्छ ?

कुन रङको गुलाबले के अर्थ राख्छ ?

काठमाडौँ, फागुन १-

अहिले प्रेम सप्ताह जारी छ । तपाईं कसैलाई प्रेम प्रस्ताव राख्न होस् वा भेट्नका लागि जाँदा पनि गुलाबको फूल दिन सक्नुहुन्छ ।

गुलाबको फूल विभिन्न प्रकारका हुन्छन् अझै भनौं विभिन्न रङका हुन्छन् । रङ अनुसार गुलाबको अर्थ बेग्लै हुन्छ । तपाईलाई यी रङका अर्थ पनि थाहा हुनुपर्छ ।

रातो गुलाब

रातो गुलाबलाईे प्रेमको प्रतीकको रूपमा लिइन्छ । यदि तपाईंले कसैलाई रातो गुलाब दिनुहुन्छ भने उसप्रति तपाईंको प्रेमको अभिव्यक्तिका रूपमा लिनुपर्छ ।

हल्का गुलाबी

तपाईं कसैलाई के म तिम्रो साथी बन्न सक्छु भन्ने प्रस्ताव गर्नुहुन्छ भने त्यसका लागि हल्का गुलाबी गुलाब दिनुपर्छ । प्रशंसा गर्न र खुसी व्यक्त गर्न पनि हल्का गुलाबी रङको गुलाब दिनुपर्छ । हल्का गुलाबी रङलाई प्रशंसा र खुशीको प्रतीकको रूपमा लिइन्छ ।

गाढा गुलाबी

यदि तपाईंले कसैलाई गाढा गुलाबी रङको गुलाब दिनुभयो भने तपाईंले त्यस व्यक्तिप्रति कृतज्ञता र सम्मान देखाउनुभएको बुझिन्छ ।

पहेंलो गुलाब

पहेंलो गुलाबलाई पनि साथित्व, खुशी र अरूप्रति ख्याल राख्ने प्रतीकका रूपमा मानिन्छ । तपाईंले कुनै साथीलाई वास्तवमै केयर गर्छु भन्ने बुझाउन चाहँदा पहेंलो गुलाब दिनुपर्छ ।

सेतो गुलाब

सेतो गुलाबलाई निर्दोषपना र पवित्रताको प्रतीकको रूपमा लिइन्छ । पूजाका लागि अधिकांश अवस्थामा सेतो फूल चढाउने गरिन्छ ।

रातो र पहेलोे गुलाब

कहिलेकाहीं आफ्ना भावनालाई एक साथ व्यक्त गर्नका लागि अलगअलग फूलहरू दिन सकिन्छ । यस्तो अवस्थामा रातो र पहेँलो गुलाब एकैपटक दिनु भनेको खुसीे व्यक्त गर्नु हो ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका