जोडिनुहोस
  • होमपेज
  • खिचरा महोत्सवको आज दोस्रो दिनः चर्चित गायक अर्जुन कौशलको प्रस्तुती

खिचरा महोत्सवको आज दोस्रो दिनः चर्चित गायक अर्जुन कौशलको प्रस्तुती

चितवन, पुस २८–

पूर्वीचितवनको खैरहनीमा जारी ‘सातौं खिचरा महोत्सव–२०७६’ अन्तरगत आज दोस्रो दिन विभिन्न कार्यक्रमहरु हुँदैछ ।
महोत्सवमा आज (सोमबार) साँस्कृतिक कार्यक्रम अन्तरगत चर्चित कलाकारहरुको प्रस्तुती रहने छ । आज चर्चित गायक अर्जुन कौशलको सांगीतिक प्रस्तुती रहने साँस्कृतिक समितिका संयोजक जयस चौधरीले जानकारी दिए ।

महोत्सवमा कौशलको प्रस्तुतीसंगै अन्य स्थानीय कलाकारहरुको समेत प्रस्तुती रहने आयोजक थारु कल्याणकारिणी सभा चितवन क्षेत्र नं.७ ले जनाएको छ । यस्तै महोत्सव अन्तरगत आयोजित ‘खिचरा डान्स आइडल’ को प्रस्तुती समेत रहने छ । पहिलो चरणबाट छनौट भएका २० जना प्रतियोगीहरुको आज प्रस्तुती रहने आइडलका संयोजक हरिशरण चौधरीले जानकारी दिए ।

हिजो (आइतबार) देखि सुरु भएको खिचरा महोत्सव माघ ८ गतेसम्म गौचरनमा चल्ने छ । महोत्सवको हिजो उपप्रधान मन्त्री तथा नेपाली काँग्रेसका उपसभापति विजय कुमार गच्छदारले समुद्घाटन गरेका थिए ।

थारु समुदायको महान् पर्व माघी (खिचरा)को अवसरमा प्रत्येक वर्षदेखि ‘खिचरा महोत्सव’ आयोजना हुँदै आइरहेको छ । महोत्सवले खिचरा पर्वको संरक्षण गर्नमा महत्वपूर्ण योगदान पु¥याउँदै आइरहेको महोत्सव मुल आयोजक समितिका संयोजक चुडामणि चौधरीले बताए ।

महोत्सवमा थारुसंगै विभिन्न जातजातिको परम्परागत भेषभुषा सहितको साँस्कृतिक कार्यक्रमलाई जोड दिइएको छ । महोत्सवमा राष्ट्रिय तथा स्थानीय कलाकारहरुको बेजोड प्रस्तुतीका साथै मिस नेपालद्धारा थारु भेषभुषासहितको पहिरनमा मेला अवलोकन, मिस्टर एण्ड मिस थारुको फेसन शो र खुल्ला नृत्य प्रतियोगिता राखिएको जानकारी दिए ।

महोत्सवमा यसवर्ष १५० वटा स्टर रहने छन् । जसमा थारु जातिको खानाको परिकारसहितको स्टलहरु, चेपाङ र दराई को समेत खानाका परिकारका स्टल र विभिन्न शैक्षिक, वित्तीय संस्था, विभिन्न संस्थाहरुको स्टलहरु समेत रहने आयोजकले जनाएको छ ।

यस्तै महोत्सवमा प्रतियोगितात्मक कृषि उपज प्रदर्शनी, अन्तर विद्यालयस्तरीय चित्रकला, हाजिरी जवाफ प्रतियोगिता, ४० वर्ष माथिका पुरुषको भेट्रान दौड, स्लो साइकल रेस, खिचरा फोटोरसेल्फी फोटो प्रतियोगिता र फेस पेन्ट प्रतियोगिता रहने आयोजकले जनाएको छ । यसवर्ष पनि महोत्सवमा प्रवेशका लागि विगतका वर्ष जस्तै ५० रुपैयाँ र विद्यार्थीका लागि ३० रुपैयाँ कायम गरिएको छ । चितवनका थारु समुदायले माघ १ गते खिचरा पर्व मनाउने गरेका छन् । यही अवसरमा विगत सात वर्षदेखि महोत्सव आयोजना हुँदै आइरहेको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

धेरै टिप्पणी गरिएका