जोडिनुहोस
  • होमपेज
  • साग पुरुष क्रिकेटः माल्दिभ्सविरुद्ध नेपाल ८४ रनले विजयी

साग पुरुष क्रिकेटः माल्दिभ्सविरुद्ध नेपाल ८४ रनले विजयी

काठमाडौं, मंसिर २०–

१३ औं साग अन्तरगत पुरुष क्रिकेटमा नेपालले माल्दिभ्सलाई ८४ रनले पराजित गरेको छ ।

नेपालले दिएको १६४ रनको लक्ष्य पछ्याएको माल्दिभ्स निर्धारित ओभरमा ६ विकेट गुमाउँदै ७९ रन मात्रै जोड्न सक्यो । उसका लागि मोहम्मद अजामले सर्वाधिक १७ रन बनाए ।
नेपालका लागि ललित नारायण राजवंशी र सुशन भारीले समान २/२ र पवन सराफले एक विकेट लिए ।

यसअघि टस जितेर पहिले व्याटिङ गरेको नेपालले करन केसीको विष्फोटक व्याटिङको मद्धतमा ७ विकेटको क्षतिमा १६३ रन बनाएको थियो । करनले १६ बलमा नटआउट ४० रन बनाए । यस्तै उपकप्तान दीपेन्द्र सिंह ऐरीले ३९, कप्तान ज्ञानेन्द्र मल्ल र विनोद भण्डारीले समान १९ रन बनाए भने आरिफ शेखले १०, पारस खड्काले ११, रोहित पौडेलले १० रन बनाए भने पवन सर्राफ शून्यमै आउट भए ।

आजको जितसंगै नेपालको फाइनल प्रवेश गर्ने संभावना जिवितै छ । नेपाल ३ खेलबाट ४ अंकका साथ तेस्रो स्थानमा रहेको छ भने श्रीलंका पहिलो र बंगलादेश दोस्रो स्थानमा रहेको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका