जोडिनुहोस

Banner

चितवन, कार्तिक १–

एक्सपर्ट पब्लिक स्पिकिङ च्याम्प–२ अन्तरगत दोस्रो चरणमा छनौट भएका प्रतियोगीहरुका लागि सुरु भएको प्रशिक्षण कार्यक्रम आज (शुक्रबार)बाट सकिएको छ । भरतपुरस्थित होटल स्टार व्याक्वेटमा असोज २८ गतेदेखि प्रशिक्षण कार्यक्रम सुरु भएको थियो ।

विभिन्न क्षेत्रमा भएका अडिसनबाट छनौट भएका प्रतियोगीहरुमा निखारता ल्याउनका लागि चार दिन सम्म प्रशिक्षण दिईएको हो । प्रतियोगीहरुलाई प्रोफेसर डा.होमबहादुर बस्नेत, मिस नेपाल २००५ सुगारिका केसी, मिडिया पर्सनालिटी आरके धिताल, चर्चित कार्यक्रम प्रस्तोता मनोज घिमिरेलगाएतले प्रशिक्षण दिएका थिए । ४ दिनको प्रशिक्षण कार्यक्रममा विद्यार्थीहरुलाई पब्लिक स्पिकिङ, मोटिभेसन र पर्सनालिटी डेभलपमेन्टको बारेमा प्रशिक्षण दिइएको विमोचन इभेन्ट एण्ड इन्टरटेनमेन्ट प्रालिका प्रवन्धक विमोचन आचार्यले जानकारी दिए । प्रशिक्षणमा ४९ वटा स्कुल/कलेजबाट १०६ जना विद्यार्थी सहभागि भएका थिए ।

एक्सपर्ट एजुकेसन एण्ड भिसा सर्भिसेस नारायणगढको मुख्य प्रायोजनामा सुरु भएको दोस्रो चरणको प्रतियोगिता मंसिर १३ गते सकिने प्रबन्धक आचार्यले बताए । प्रतियोगितालाई सेन्ट्रल कलेज अफ भोकेसनल ट्रेनिङ सेन्टरले प्रायोजन गरेको हो । प्रतियोगितामा पहिलो, दोस्रो र तेस्रो हुनेलाई क्रमश ५० हजार, ३० हजार, २० हजार मेडल, ट्रफी र प्रमाणपत्र वितरण गरिने बताइएको छ ।

तपाइको प्रतिक्रिया दिनुहोस्

Leave a Reply

Your email address will not be published. Required fields are marked *