जोडिनुहोस
alt
  • होमपेज
  • प्राविधिक समस्या आएपछि गैरआवासीय नेपाली संघको निर्वाचन स्थगित

प्राविधिक समस्या आएपछि गैरआवासीय नेपाली संघको निर्वाचन स्थगित

काठमाडौं, असोज २९–

गैरआवासीय नेपाली संघको नयाँ नेतृत्वका लागि आज राती सुरु भएको निर्वाचन स्थगित भएको छ । अबेर साँझ सुरु भएको इलेक्ट्रोनिक मतदानको क्रममा प्राविधिक समस्या भएपछि निर्वाचन नै स्थगित गरिएको छ । निर्वाचन कार्य भोलि (बिहीबार) विहान १० बजेसम्मका लागि स्थगित गरिएको निर्वाचन समितिले जनाएको छ ।

आज साँझ ७ बजेदेखि निर्वाचन सुरु गर्ने कार्यतालिका रहे पनि असन्तुष्ट समूहको होहल्लाको कारण ढिलो गरी निर्वाचन सुरु भएको थियो । नयाँ नेतृत्वका लागि ४२ पदका लागि ७६ ले उम्मेदवारी दर्ता भएको संघका प्रमुख निर्वाचन आयुक्त शिव रिजालले जानकारी दिए ।

मङ्गलबार साँझदेखि बुधबार अपराह्न ३ः०० बजेसम्म उम्मेद्वारी दर्ताको समय तोकिएको थियो । नयाँ नेतृत्वमा अध्यक्षमा कुमार पन्त र कूल आचार्यले उम्मेदवारी दर्ता गराएका छन् । यसैगरी महासचिवमा जानकी गुरुङ र डा हेमराज शर्माले उम्मेदवारी दर्ता गराएका छन् ।

निर्वाचनमा करीब दुई हजार ४०० मतदाता सहभागी हुनेछन् । संघको नयाँ नेतृत्व दुई वर्षका लागि निर्वाचित हुने गर्दछ ।

‘म, मेरो एनआरएन र मेरो नेपाल’ भन्ने मूल नाराका साथ मङ्गलबारदेखि शुरु भएको संघको नवौँ नेपाली विश्वसम्मेलन तथा अन्तर्राष्ट्रिय महाधिवेशनको उद्घाटन राष्ट्रपति विद्यादेवी भण्डारीले गरेकी थिइन् । बिहीबारसम्म तीन दिनसम्म चल्ने सम्मेलनमा ८१ मुलुकका करीब दुई हजार ५०० प्रतिनिधि सहभागी छन् । सम्मेलनको बिहीबार प्रधानमन्त्री केपी शर्मा ओलीले समापन गर्नेछन् ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका