खेलकुद

‘टुबोर्ग जेसीज विकास रनिङ शिल्ड’को तयारी अन्तिम चरणमा

Banner

चितवन, असोज २५–

चितवनको नारायणगढमा हुन लागेको सर्वाधिक धनराशीको फुटबल प्रतियोगिता ‘टुबोर्ग जेसीज विकास रनिङ शिल्ड–२०७६’ को तयारी अन्तिम चरणमा पुगेको छ ।

नारायणगढ जेसीजको आयोजनामा क्याम्पाचौरमा हुन लागेको प्रतियोगितालाई भव्य बनाउन गरिएको तयारी अन्तिम चरणमा पुगेको हो । दर्शकलाई बस्न सहज होस् भन्नका लागि अस्थाई प्याराफिट समेत निर्माण भइसकेको छ । यसले दर्शकलाई फुटबलको मज्जा लिन सहज हुने आयोजकको विश्वास छ ।

यस्तै प्रतियोगिताको अर्को महत्वपूर्ण पक्ष मैदान हो । यसपटक मैदानलाई पनि आकर्षक बनाईएको छ । प्रचारप्रसार समितिका संयोजक सूर्यभक्त अधिकारीले मैदानलाई स्तरीय बनाउने काम सकिएको बताए । उनले यसअघिको पहिलो संस्करणमा वर्षाले प्रभावित बनाए पनि यसपटक मैदानलाई स्तरीय बनाईएको बताए ।

यस्तै मैदानमा चारैतिर बार लगाउने काम पनि लगभग सकिएको छ । यही असोज ३० गतेदेखी सुरु हुने प्रतियोगिता कार्तिक ९ गतेसम्म चल्ने नारायणगढ जेसीज वर्ष २०१९ का अध्यक्ष विकासमान श्रेष्ठले जानकारी दिए ।


यसअघि जेसीजले आयोजना गरेको ‘जेसीज कप’ र विकास शिल्ड समितिले आयोजना गर्दै आइरहेको ‘विकास रनिङ शिल्ड’ लाई मर्ज गरेर यो प्रतियोगिता आयोजना गर्न लागिएको हो । दुई ठूला प्रतियोगिता मर्ज गरी यो प्रतियोगिता आयोजना गरिएकोले अन्य प्रतियोगिता भन्दा भव्य हुने अध्यक्ष श्रेष्ठले बताए ।

यसपटकको प्रतियोगितामा ‘ए’ डिभिजनका ८ वटा क्लव र आयोजकसहितको दुई क्षेत्रीय क्लव गरी वटा टिमबीच प्रतिस्पर्धा हुने प्रतियोगिताका मूल संयोजक कपिल श्रेष्ठले जानकारी दिए ।

उनका अनुसार प्रतियोगितामा ‘ए’ डिभिजनका मनाङ मस्याङ्दी क्लव, सशस्त्र प्रहरीको एपीएफ क्लव, नेपाल पुलिस क्लव, त्रिभुवन आर्मी क्लव, जावलाखेल युथ क्लव, सरस्वती क्लव, फ्रेण्ड्स क्लव, संकटा क्लव, चितवन ११ र मकवानपुर ११ बीच प्रतिस्पर्धा हुनेछ ।

प्रतियोगिताको विजेताले ६ लाख ६ हजार ६६ रुपैयाँ, शिल्ड र उपविजेताले ३ लाख ३ हजार ३३ रुपैयाँ, शिल्ड प्राप्त गर्ने आयोजकले जनाएको छ । प्रतियोगिता सम्पन्नका लागि विभिन्न समितिहरु निर्माण गरिएको छ । प्रतियोगिता अवलोकनका लागि एक सय र दुई सय रुपैयाँको टिकट व्यवस्था गरिएको छ । प्रतियोगिताको हरेक खेल दिउँसो ३ः३० बजेदेखी सुरु हुनेछ ।

तपाइको प्रतिक्रिया दिनुहोस्

Leave a Reply

Your email address will not be published.

>