देश/प्रदेश

सिन्धुपाल्चोक दुर्घटना अपडेटः मृत्यु हुनेको संख्या ११ पुग्यो, ४० भन्दा बढी घाइते

Banner

सिन्धुपाल्चोक, असोज २४–

सिन्धुपाल्चोकको इन्द्रावती गाउँपालिका–१० भोटसिपास्थित बडहरे चोकमा बस दुर्घटना हुँदा मृत्यु हुनेको संख्या ११ पुगेको छ ।

इन्द्रावती गाउँपालिका–९ सिपाटारबाट काठमाडौँका लागि छुटेको हेलम्बु यातायातको बा२ख २७१५ नंको बस आज बिहान सडकबाट २०० मिटर तल खस्दा कम्तीमा घटनास्थलमै सात जनाको मृत्यु भएको थियो । अन्यको उपचारको क्रममा मृत्यु भएको प्रहरीले जनाएको छ । दुर्घटनामा ४० भन्दा बढी घाइते भएका छन् । उनीहरुको हेलिकप्टर मार्फत उद्धार गरिएको छ ।

क्षतिको थप विवरण आउन बाँकी रहेको जिल्ला प्रहरी कार्यालय सिन्धुपाल्चोकका प्रहरी नायब उपरीक्षक माधवप्रसाद काफ्लेले जानकारी दिनुभयो ।

तपाइको प्रतिक्रिया दिनुहोस्

Leave a Reply

Your email address will not be published.

>