जोडिनुहोस
  • होमपेज
  • ‘मिस्टर नेपाली’ को छायाँङ्कन ४० प्रतिशत सकियो

‘मिस्टर नेपाली’ को छायाँङ्कन ४० प्रतिशत सकियो

ज्ञानु पंगेनी,

नवलपुर, असार ४–

देवचुली फिल्मस्को ब्यानरमा निर्माण हुन लागेको नेपाली कथानक चलचित्र ‘मिस्टर नेपाली’को छायाँङ्कन नवलपुरमा भईरहेको छ ।

चलचित्रको ४० प्रतिशत काम पुरा भएको चलचित्रका गणेश सापकोटाले जानकारी दिए । गत जेठ २१ गतेदेखि नवलपुरको कावासोती पिठौलीमा चलचित्रको सुटिङ्ग भइरहेको छ । चलचित्रको ७५ प्रतिशत सुटिङ्ग कावासोतीमा नै हुनेछ ।

कथाले मागे अनुसारको लोकेशन गुगलमा खोज्दा नवलपुर उचित लागेपछि यहाँ आएको सापकोटाले बताए । चलचित्रले राष्ट्रियताको कथालाई रमाइलो तरिकाले उठान गरेको र यस चलचित्र विशुद्ध मनोरञ्जनात्मक रहेको सापकोटाको भनाई छ । चलचित्रले विशेष गरी विदेशमा रहेका नेपालीहरुमा नेपालप्रतिको मायालाई झल्काउने र पारिवारिक समेत रहेको सापकोटाले बताए । प्रेमराज दाहालको निर्माणमा तयार हुन लागेको चलचित्रमा देव नारायण भुषालको लेखन तथा निर्देशन छ । यस चलचित्रमा नायक भुवन केसी र नायीका रीमा विश्वकर्माको जोडीलाई दर्शकले पर्दामा हेर्न पाउने छन् । नायक केसी दोहोरो चरित्रमा देखिदैछन् ।

नायक केसीले चलचित्रमा दर्शकले आफूलाई पृथक भुमिकामा देख्न पाउने बताए । उनले भने–‘चलचित्रको कथा राम्रो लागेपछि भुमिका निर्वाह गरेको हुँ ।’ चलचित्रमा मूख्य भुमिकामा भने नयाँ कलाकारको रुपमा साहिल श्रेष्ठ र कुसुम राउतले काम गरेका छन् । यी दुवैले यसै चलचित्रबाट डेब्यु गरेका हुन ।

यस्तै चलचित्रमा विष्णु सापकोटा, सुरेन्द्र केसी, कमलमणी नेपाल, राजेन्द्र गिरी, अर्जुन खत्री, सन्तोष लामा, नन्दु श्रीवास्तव, अनिता गिरी, आशिष गिरी, सरोज खनाल, रवि डङ्गोललगायतका कलाकारहरुको अभिनय रहेको छ । चलचित्रमा हिमाल केसीको एक्सन, सुभाष भुसाल र दीपक शर्माको संगीत, कविराज गहतराजको नृत्य निर्देशन रहेको छ ।

चलचित्रको ७५ प्रतिशत काम नवलपुरको कावासोतीमा गर्ने र बाँकी २५ प्रतिशत काम काठमाण्डौमा गर्ने सापकोटाले जानकारी दिए ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका