गण्डकी

गर्मीले दमौलीमा बिरामी बढे

Banner

चितवन, असार ४

बढ्दो गर्मीसँगै तनहुँको दमौलीमा बिरामीको सङ्ख्या वृद्धि भएको छ । मौसम परिवर्तनसँगै ज्वरो, टाइफाइड, झाडापखालाका बिरामी बढेका हुन् । गर्मी बढेसँगै सदरमुकाम दमौलीस्थित दमौली अस्पतालमा बिरामी चाप बढेको छ ।

यसअघि दैनिक ४०–५० बिरामी स्वास्थ्य परीक्षणका लागि आउने गरेकोमा अहिले २०० सम्म बिरामी आउने गरेको अस्पतालका मेडिकल अधिकृत सजना पौडेलले जानकारी दिइन् । पौडेलले भने, ‘गर्मी बढेसँगै अस्पतालमा बिरामीको चाप अत्यधिक छ । बिरामीको चाप बढेसँगै व्यवस्थापनमा समस्या भएको छ ।’ पौडेलका अनुसार गत वर्षभन्दा यस वर्ष गर्मीका कारण बिरामीको सङ्ख्या बढेको छ ।

अस्पतालमा विशेषगरी दमौली, चापाघाट, शेवर, झापुटार, काँहुशिवपुरलगायतका क्षेत्रबाट बिरामी स्वास्थ्य परीक्षणका लागि आउने गरेका छन् । अस्पताल पुग्ने बिरामीमध्ये महिला तथा बालबालिका बढी रहेको अस्पताल प्रशासनले जनाएको छ । गर्मी बढेसँगै खानपानमा ध्यान पु¥याउनुपर्ने मेडिकल अधिकृत पौडेलले सुझाव दिए । उनले भने, ‘खानेकुरा खाने बेलामा राम्रोसँग हात धोएर मात्रै खानुपर्छ । पर्याप्त स्वच्छ पानी पिउने गर्दा ज्वरो र झाडापखालाबाट बच्न सकिन्छ ।’ दमौली अस्पतालमा बिरामी सङ्ख्या बढेसँगै व्यवस्थापनमा समस्या भएको व्यास नगरपालिका–७ कलेस्तीका चित्रबहादुर क्षेत्रीले गुनासो गरे । क्षेत्रीले भने, ‘बिरामी भएर स्वास्थ्य परीक्षणका लागि आउँदा झन पीडा थपिने अवस्था सिर्जना भएको छ ।’

तपाइको प्रतिक्रिया दिनुहोस्

Leave a Reply

Your email address will not be published. Required fields are marked *

>

होमपेज केही सेकेण्डमा लोड हुनेछ।

  • Advertisement area
  • Skip this

Advertisement area