चितवन विशेष

भरतपुर अस्पतालको सडक छेउमा वृक्षरोपण

Banner

चितवन, जेठ २८ –

भरतपुर महानगरपालिकाको हरियाली प्रवद्र्धन योजनालाई सफल बनाउन युवाहरुको एक समूहले वृक्षरोपण गरेका छन् ।

भरतपुर अस्पतालदेखि पुरानो मेडिकल कलेज जाने सडक खण्डमा वृक्षरोपण गरिएको हो । भरतपुर महानगरपालिकाको समन्वयमा चितवनका युवाहरुको सक्रियतामा विभिन्न फुल तथा विरुवाहरु रोपिएको हो । वे ग्रुप, बेटर चितवन तथा परिचय नामक संस्थाको अगुवाइमा सो स्थानमा वृक्षरोपण गरिएको हो ।

सोही स्थानमा परिचय संस्थाको सौजन्यमा तीनवटा कंक्रिट बेन्च समेत राखिएको छ । भरतपुर अस्पतालको सडक छेउमा कपुर, धुपी, वर्षेनी विरुवाहरु, बार फूलहरु रोपिएको बेटर चितवनका अध्यक्ष सागर कार्किले जानकारी दिए ।

भरतपुर महानगपालिकाका प्रमुख प्रशासकिय अधिकृत नेत्र प्रसाद सुवेदीले अन्य स्थानहरुमा पनि यसरी नै वृक्षरोपण गरिने जानकारी दिए ।

मापदण्ड पुगेका सडक छेउ र खेर गईरहेको सार्वजनिक जग्गामा विरुवा रोप्ने महानगरको योजना रहेको महानगरपालिका वातावरण शाखाकी बन अधिकृत अन्जनी अधिकारीले बताइन ।

झाडी भएको ठाउँमा बिरुवा रोपेर हरियाली प्रवद्र्धनका लागि विरुवा रोप्न लागिएको परिचय संस्थाकी अध्यक्ष बन्दना खाणले बताइन् ।

 

तपाइको प्रतिक्रिया दिनुहोस्

Leave a Reply

Your email address will not be published.

>