चितवन विशेष

जेष्ठ नागरिकको निःशुल्क आँखा परीक्षण

Banner

चितवन, जेठ १९–

जेष्ठ नागरिक संघ चितवनको आयोजना तथा भरतपुर आँखा अस्पतालको प्राविधिक सहयोगमा आज (आइतबार) भरतपुरमा जेष्ठ नागरिकहरुको निःशुल्क आँखा जाँच गरिएको छ ।

वरिष्ठ नेत्र विशेषज्ञ पुष्पा गिरीको समूहले जेष्ठ नागरिकहरुको आँखा जाँच गरिएको थियो । उक्त कार्यक्रममा साढे तीन सय भन्दा बढी जेष्ठ नागरिकहरुले आँखा जाँच गराएका थिए । सो कार्यक्रममा क्षेत्र नम्बर २ का सांसद कृष्णभक्त पोखरेल प्रमुख अतिथि रहेका थिए ।

सांसद पोखरेलले जेष्ठ नागरिकहरु बस्ने भवन निर्माणका लागि आफूले सक्दो सहयोग गर्ने प्रतिबद्धता समेत व्यक्त गरे । उनले हरेक व्यक्ति स्वस्थ रहन नियमित रुपमा आफ्नो स्वास्थ्यको हेरविचार गर्नुपर्ने बताए । जेष्ठ नागरिक संघ चितवनका अध्यक्ष केदारनाथ तिमिल्सीनाको अध्यक्षतामा कार्यक्रम सम्पन्न भएको थियो ।

तपाइको प्रतिक्रिया दिनुहोस्

Leave a Reply

Your email address will not be published.