एथलेटिक्स

भारोत्तोलनमा किर्तिमान नै किर्तिमान

Banner

बैशाख २२, २०७६

नेपालगञ्जमा जारी आठौं राष्ट्रिय खेलकुद प्रतियोगिताअन्तर्गत भारत्तोलनतर्फ शनिबार भएका प्रतिस्पर्धामा ९ वटा राष्ट्रिय किर्तिमान कायम भएका छन् ।
महिलाको ५५ किलो तौल समूहमा नेपाल प्रहरीकी देवीमाया चौधरीले स्न्याचमा ६५, क्लिन एण्ड जर्कमा ८१ र कूलमा १ सय ४६ केजी भार उठाउँदै स्वर्ण जितिन् । आर्मीका मनिषा रानाभाट र गौरी चौधरीले क्रमशः रजत र काश्य पदक जिते ।

महिला ५९ केजी तौल समूहमा आर्मीका कमला श्रेष्ठले स्न्याचमा ७०, क्लिन एण्ड जर्कमा ८० कूलमा १ सय ५० केजीे भार उठाउँदै स्वर्ण पदक जितिन् । प्रहरीकी जुनुमाया छन्त्यालले रजत र प्रदेश ४ की टिकामाया गुरुङले काश्य पदक प्राप्त गरे ।

पुरुष ६७ केजी तौल समूहमा प्रहरीका प्रकाश केसीले स्न्याचमा १ सय ३ केजीे, क्लिन एण्ड जर्कमा १ सय २२ केजीे र कूलमा २ सय २५ केजी भार उठाउँदै स्वर्ण पदक जिते । आर्मीका जीवन तामाङले रजत र प्रदेश ४ का धनबहादुर झाक्रीले काश्य पदक प्राप्त गरे ।

स्वर्ण पदक विजेता चौधरी, श्रेष्ठ र केसी तिनैजनाले स्न्याच, क्लिन एण्ड जर्क र कूलमा नयाँ राष्ट्रिय किर्तिमान बनाएका छन । विगतमा ८ वटा तौल समूहमा प्रतिस्पर्धा हुने गरेको भारत्तोलनमा यस पटकदेखि १० वटा तौल समूहमा प्रतिष्पर्धा भइरहेको छ । १० वटा तौल समूह भएसँगै पुराना रेकर्ड पनि निष्कृय भएका कारण सबै स्वर्ण जित्ने खेलाडीले राष्ट्रिय किर्तिमान बनाएका हुन् । भारत्तोलनका हालसम्म् घोषणा भएका ७ स्वर्ण मध्ये आर्मीले चार स्वर्ण जितेको छ भने प्रहरीले तीन स्वर्ण जितेको छ ।

तपाइको प्रतिक्रिया दिनुहोस्

Leave a Reply

Your email address will not be published.