जोडिनुहोस
alt
  • होमपेज
  • २७ विद्यालयका छात्रालाई सेनेटरी प्याड सम्बन्धि तालिम सञ्चालन

२७ विद्यालयका छात्रालाई सेनेटरी प्याड सम्बन्धि तालिम सञ्चालन

बैशाख २२, २०७६

महिनावारी हुँदा छात्रा विद्यालयमा उपस्थित नहुने तथा कक्षा छाडेर जाने परम्पराको अन्त्य गर्नका लागी रुकुम पश्चिममा छात्राहरुका लागी प्याड निर्माणको तालिम संचालन गरिएको छ ।

विद्यालयका शिक्षिका र छात्राका लागी सेनेटरी प्याड बनाउने तालिम संचालन गरिएको हो । रुकुम पश्चिमका मुसीकोट नगरपालिकाका १४ वटै वडाका २७ वटा विद्यालयका शिक्षिका र छात्रा महिनावारी भएको बेला प्रयोग गरिने सेनेटरी प्याड निर्माण गर्ने तालिममा सहभागि भएका छन् ।

मुसीकोट नगरपालिकाका २७ जना शिक्षिका र १ सय ३५ जना छात्रा गरी जम्मा १ सय ६२ जनाले सेनेटरी प्याड निर्माण सम्वन्धी तालिम सिक्ने मुसीकोट नगरपालिकाका उपप्रमुख प्रेमकुमारी सुनार केसीले जानकारी दिनुभयो । उपप्रमुख सुनारका अनुसार तालिमले किशोरीहरुलाई शिक्षा आर्जनमा सहयोग पुग्नेछ ।

महिनावारीको समयमा विद्यालयमा छात्राहरु अनुपस्थित हुने तथा कक्षा छोड्ने क्रम बढेपछि मुसीकोट नगरपालिका यस्तो अभियान सुरु गरेको हो । पहिलो चरणमा मुसीकोट नगरपालिकाका ७ वटा विद्यालयबाट तालिम सुरु गरिएको छ ।

सोमबार मुसीकोट नगरपालिकाको त्रिभुवन जनता माध्यामिक विद्यालयमा ७ वटा विद्यालयका छात्रा र शिक्षिका सहभागी रहेका छन् । पहिलो पटक सेनेटरी प्याड निर्माण गर्ने तालिममा सहभागी भएपछि खुसी भएका छन् ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका