कालिका

गंगालाल अस्पतालको लापरबाही, रक्त समूह फरक पर्दा बालिकाको ज्यान गयो

Banner

बैशाख २२, २०७६

मुटुको भल्ब फेर्ने क्रममा एक बालिकाको ज्यान गएको छ । बाँसबारीस्थित सहिद गंगालाल राष्ट्रिय हृदय केन्द्रमा मुटुको भल्ब फेर्न शल्यक्रिया गरिएकी एक बालिकालाई रगत दिने क्रममा उनको रगतसँग म्याच नहुने फरक समूहको रगत पर्दा उनको ज्यानै गएको हो ।

उक्त अस्पतालमा उपचाररत सर्लाही सिसौटियाकी आकृति कुमारीको रगत समूह ओ पोजेटिभ भए पनि अस्पतालमा ए पोजेटिभ रगत दिएपछि ज्यान गएको मृतकका हजुरबुबा श्याम शाहले जानकारी गराउनुभयो । नातिनीलाई गलत समूहको रगत दिएपछि मिर्गौलालगायतका अंगमा मुख्य समस्या भएको थियो । अस्पतालले सोमबार बिहान ४ बजे मृत्यु भएको घोषणा गरेको उहाँले बताउनुभयोे ।

बिरामीलाई फरक रगत चढाएर मृत्यु भएको कुरा अस्पताल प्रशासनले स्वीकारेको छ । बालिकाको मृत्यु पछि अस्पताल प्रशासनले तत्काल बैठक राखी उपचारमा संलग्न चिकित्सकका साथै रगत उपलब्ध गराउने ल्याबका कर्मचारी र पिडित पक्ष बसेर छलफल गरी छानविन समिति गठन गरेको अस्पताल प्रशासनले जनाएको छ । ३ दिनभित्र छानविनको रिपोर्ट सार्वजनिक गर्ने सहमति भएको पीडित पक्षले जनाएको छ ।

तपाइको प्रतिक्रिया दिनुहोस्

Leave a Reply

Your email address will not be published.

>